Idoia Gurrutxaga, Donostia Ospitaleko zuzendari medikoa: "ZIUn dauden gaixoen bi heren txertatu gabeak dira"
Gotzone Sagardui Eusko Jaurlaritzako Osasun sailburuak koronabirusaren seigarren olatuak goia jo duela iragarri eta biharamunean, Idoia Gurrutxaga Donostia Ospitaleko zuzendari medikoa elkarrizketatu dute Euskadi Irratiko "Faktoria"n.
Idoia Gurrutxagaren hitzetan, Zainketa Intentsiboen Unitatean (ZIU) dituzten gaixo guztien bi herenak txertatu gabeak dira. Beste herenak, ostera, ez dute txertaketa pauta osoa jaso edo sistema immunitario ahula dute gaixotasun bat dutelako edo tratamendu bat hartzen ari direlako. Hori guztia dela eta, txertaketan jarri du azpimarra: "Oraindik ere txertatu gabeak asko dira eta nik uste horretan lan egin behar dugula".
Donostia Ospitaleko argazkia egin du Idoia Gurrutxagak, eta seigarren olatua txarrena izaten ari dela esan du. Azken olatuan, batez beste, 130-150 pertsona izan dituzte covid-19agatik ospitaleratuta. Gaur egun, 118 pertsona dira, horietatik 36 Zainketa Intentsiboen Unitatean.
Ospitaleko egunerokotasunari lotuta, beste zeregin batzuetarako ziren giza baliabideak eta egiturak egokitu behar izan dituztela onartu du.
Pandemiak eragina izan duen ospitalean egiten diren ebakuntzetan ere. Idoia Gurrutxagak emandako datuen arabera, azaroaren amaieran itxaron zerrenda kirurgikoa 49 zen eta gaur egun 74 egunekoa da. Gaineratu duenez, igoera hori tarteko, itxaron zerrendan dauden pertsonen kopurua asko handitu da. "Hilean ia 1.000 ebakuntza gutxiago egin ditugu", nabarmendu du.
Gipuzkoa beste lurraldeak baino gehiago kolpatu du pandemiak. Hori zergatik gertatu den galdetuta, ez du ebidentzian oinarrituriko arrazoirik ikusten Idoia Gurrutxagak.
Albiste gehiago gizartea
Euskadin adingabeei egindako sexu abusuen biktima ia denak (% 92) neskak dira, eta 15 urtetik beherakoak gehienak
Save The Children gobernuz kanpoko erakundeak haurren kontrako sexu abusuen inguruko 88 epai aztertu ditu, 2019tik 2024ra bitartekoak. Halaber, kasu guztietan akusatua gizona zen.
Sindikatuek "propagandatzat" jo dute Osakidetzak Lehen Mailako Arretako 13 zentrotan psikologia zerbitzua eskainiko duela iragarri izana
ELA eta LAB sindikatuek ohartarazi dutenez, psikologo hauek "ez dute espezialitaterik, eta ezin izango dute tratamendurik diagnostikatu edo bideratu". Lehen Mailako Arretako osasun zentroetan psikologia zerbitzua ezarriko duen proiektu pilotua aurkeztu die Eusko Jaurlaritzako Osasun Sailak Osakidetzako sindikatuei. Osasun Sailak iragarri duenez, helburua "anbulatorioetako arreta emozionalaren irisgarritasuna hobetzea" da.
44 urteko gizonezko bat hil da Arrigorriagan, autoarekin BI-3723 errepidetik AP-68ra erorita
Lau metrotan behera erori da ibilgailua. Pertsona bakarra zihoan barruan, eta tokian bertan zendu da.
EITBren "Glaziarrak agurtzen" lanak aitortza lortu du nazioarte mailan, Venice TV Awards sarietan
Nazioarteko telebista-programen berrikuntza eta bikaintasuna saritzen dituzte Veneziako Telebista golardoek, eta Cross Platform Programming atalean izendatu dute proiektua, EITBk eduki berritzaile eta hainbat euskarritan emititzearen alde egindako apustua aitortuta. Glaziarrak agurtzen PRIMERANen, Euskal Telebistan eta ORAINen estreinatu zen, guztietan egokitutako lengoaia eta formatuak erabilita.
Osakidetzak psikologia zerbitzua emango du Lehen Arretako 13 zentrotan
Gipuzkoako lau zentrotan, Arabako bitan eta Bizkaiko zazpitan arituko dira psikologoak. Lehen Arretako gaixoen ongizate emozionalaren erreferente izango dira psikologo horiek, kasu arinenak ere artatuz, eta familia-medikuaren eta ospitalez kanpoko osasun mentala artatzeko zentroen arteko bitartekari moduan jardungo dute.
Aurkikuntza arkeologiko oso garrantzitsua Iruñean: Barbazan dorrearen barruan dagoen Kalonjeen atea
Iruñean, arkeologia aurkikuntza bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Nahi izanez gero, bisita gidatua egiteko aukera dago.
Giza Eskubideen Behatokiak kereila bat bultzatu du 1974ko Asturiagako segadagatik
Behatokiak iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzengatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.