Txorrotako ura edangarria da berriro Bermeon
Uraren kalitatea dela eta, Bermeoko hainbat auzotan iturriko ura ez kontsumitzeko deia egin ondoren, Bilbao Bizkaia Ur Partzuergoak lortu du ur edangarriaren horniduran izandako arazoa konpontzea. Hala, ohiko zerbitzua eskaintzen ari dira dagoeneko.
Goizean, 08:00ak aldera, jakinarazi du Bermeoko Udalak arazoa konponduta dagoela. Dena dela, telefono zenbaki bat jarri du herritarren zalantzak argitzeko: 94 487 31 87.
Bermeoko 8.000 bizilaguni heltzen zaien ur edangarrian uhertasun maila onartutakoa baino sei aldiz handiagoa zela jakinarazi zuen atzo Bilbao Bizkaia Ur Partzuergoak, eta arazoa konpondu bitartean, iturriko urik ez edateko eskatu zuen. Premiazko ur hornidura bermatzeko, hiru kamioi isurkari mobilizatu zituen Partzuergoak.
Lekunberrin (Nafarroa) edateko urik ez
Bestalde, Lekunberriko Udalak (Nafarroa) asteazkenean ohartarazi zuen udalerriko iturriko ura ez dela egokia giza kontsumorako, hornidura-sarearen azpiegituran arazo bat dagoelako.
Udal-bando batean azaldu dutenez, gaur egun, ur kloratuarekin hornitzen ari dira, baina iragazteko tratamendurik gabe. Horregatik, elikagaiak garbitzeko edo egosteko erabil daiteke, baita higiene- eta osasun-erabileretarako ere, hala nola garbitzeko, baina ez giza kontsumorako.
Azpiegitura berrezartzen dutenean, edateko uraren zerbitzua berrezarri dela jakinaraziko du Udalak.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.