2022ko San Fermin jaiak iragartzeko kartelaren hautaketa, bertan behera iruzur susmoengatik
Iruñeko Udalak 2022ko San Fermin jaiak iragartzeko kartelaren hautaketa behin-behinean bertan behera uztea erabaki du iruzur susmoengatik. Herritarrak www.pamplona.es webgunearen bidez bozkatzen ari ziren.
ANIMSA enpresa publikoak, Udaleko webgunearen informatika arduradunak, kartel baten aldeko ezohiko boto kopurua atzeman du ordu-tarte zehatzetan, azken egunetan, Iruñeko Udalak ohar batean jakitera eman duenez.
Apirilaren 25ean hasi zen bozketan zehar datuak ikuskatu dituzte, sistemaren funtzionamendu egokia egiaztatzeko.
Ikuskaritza horietan, kartel batek bozen % 90 lortu zituen larunbatean eta igandean, 20:00etatik 23:30era.
Larunbatean, hiru ordu eta erdi horietan, 146 boto jaso ziren, horietatik 132 kartel berdinak bereganatu zituen, eta igandean, 20:00-23:30 ordu-tartean, 114 boto erregistratu ziren, horietako 94 kartel berak lortu zituelarik. Ostiralean 42 boto izan ziren ordu-tarte berdinean.
Egoera berriro errepikatu da gaur goizean bertan, 13:00etatik 13:30era, kartel beraren aldeko ezohiko boto kopurua.
Kartel berdina babesteaz gain, boto horiek ezaugarri bat dute amankomunean, gehienek ez dute bigarren abizena ematen, aukerazko datua baita, baina gainerako boz gehienetan ez da gauza bera gertatzen.
Maiatzaren 5ean jakinarazi behar zuten aurtengo jaietako kartela hautatzeko lehiaketa zeinek irabazi duen. Epaimahaiak lehiaketara aurkeztutako 601 lanetako 10 aukeratu zituen, eta, azaldu zuenez, azken 20 urteetako bigarren parte-hartzerik altuena izan da aurtengoa; 2004an 622 lan jaso zituzten.
Hauek dira 2022ko San Fermin jaiak iragartzeko kartel finalistak:
1: "Beti bezala"
2: "Emoción"
3: "Vuelta a la fiesta"
4: "1087"
5: "2022"
'2022'. Cartel anunciados de las fiestas de San Fermín 2022
6: "Por fín de vuelta"
7: "Preparada"
'Corre San Fermín'. Cartel finalista para fiestas de San Fermín 2022
'Venid a la fiesta'. Cartel finalista para fiestas de Samn Fermín 2022
10: "La fiesta somos todos"
Zure interesekoa izan daiteke
Basauriko hilketa matxista salatzeko elkarretaratzea egin dute ostiral arratsaldean, talde feministek deituta
2026an bi dira jada Euskal Herrian hildako emakumeak, eta horrek agerian uzten du, euren ustez, indarkeria matxistak jarraitzen duela gizarteko gaitz nagusietakoa izaten. Basauriko Asanblada Feminista eta Emakumeok Bat Koordinadora (Basauriko Emakume Elkarte eta Elkarte Feministen Federazioa) talde feministek deitu dute elkarretaratzea.
Itzurun hondartza, mikroplastikoz beteta
Azken egunotako denboraleen ondorioz, mikroplastikoz beteta agertu zen atzo Zumaiako Itzurun hondartza. Naiara Malave Euskal Kostaldeko Geoparkean lan egiten duten Begi Bistan-eko kideak azpimarratu du arazoa mundu mailakoa dela, eta azken hamarkadetako plastikoaren gehiegizko erabileraren ondorioetako bat.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, atxilotuak askotan urratzen zuen urruntze agindu bat zegoen.
Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"
Basauriko alkateak "irmo" gaitzetsi du udalerrian gertatutako hilketa matxista, eta deitoratu du oraindik ere herritarren artean diskurtsoak entzuten ari direla indarkeria matxista "ez dela existitzen" edo arazoari garrantzia kentzen diotela esanez. Horregatik, uste du arlo guztietatik lan egin behar dela gaiari heldu ahal izateko.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.