Donostiako meskita bateko imam ohiak 9 urteko espetxe zigorrari egingo dio aurre, gazteak errekrutatzeagatik
Mohamed C. Donostiako Herrera meskitako imam ohiak 9 urteko espetxe zigorrari egingo dio aurre, gazte marjinalak eta haurrak erakarri eta yihadismoan doktrinatzeagatik, hiru semeak tartean, eta Yihaderako dirua biltzeagatik (111.000 euro pilatzen zituen 12 kontutan).
2020ko azaroan atxilotu zuten Anaia Musulmanen jarraitzailea, eta astelehen honetatik aurrera Auzitegi Nazionaleko aulkian eseriko da, Anass E. bere akolitoetako batekin batera. Bigarren akusatu horrentzat, Fiskaltzak 5 urteko espetxe zigorra eskatu du, doktrinamendu yihadista delituagatik.
Behin-behineko ondorioen idatzian, fiskalak adierazi du akusatu nagusiak "zuzendari papera" zuela, "lidergoa", eta hori baliatzen zuela gizarte bazterketa egoeran zeuden gazteak errekrutatzeko. Kolore Guztiak elkartearen bitartez egiten zuen hori; besteak beste, migratzaileak gizarteratzera zuzendutako elkartea da, eta zenbait pisu ditu Gipuzkoako Aldundiarekin duen hitzarmenean, emantzipazio prozesuan dauden gazteentzat.
Imam ohi eta ASSAFWA Kultural Islamikoaren arduradun baldintzagatik, eragiteko gaitasun handia zuen Donostiako komunitateko fededun musulmanengan", esan du Fiskaltzak.
Hala, adierazi du, "fededun ugari izan zituen eskura (haurrak barne), erakartze, trebakuntza, propaganda eta doktrinamendu lana egiteko", bai Internet bidez, bai aurrez aurre.
Fiskaltzaren arabera, atxiloketaren unean gizarte bazterketa egoeran zeuden hiru gazte marokoar, Eusko Jaurlaritzaren laguntza sozialen onuradunak, erakartzen ari ziren. Akusatuak bere semeak ere behartzen zituen ariketa fisikoa egitera, Yihaderako trebatzeko helburuarekin; boxeoa, Kick Boxing edo muskulazioa, besteak beste.
Sare sozialen bidezko jarduera ere "masiboa" izan da, "denboran iraunkorra, 2012tik behintzat, eta edukiak zabaltzeko gaitasun handiarekin". Facebookeko bi profiletan 10.000 lagun zituen guztira, sare sozialak baimentzen duen gehienezko kopurua.
Ondare-ikerketak agertu duenez, Mohamed C.-k "ezohiko" banku-kontu kopurua dauka, 12 guztira, "batez ere haren erosahalmen urria ikusita", nabarmendu du fiskalak. Eguneroko gastuak kenduta, 111.586,26 euro zituen, eta ez dakite zertara bideratuta zeuden.
Hori guztia dela eta, fiskalak diru-bilketa lan esanguratsua egin izana egotzi dio, sare sozialetan ere Yihaderako finantzaketa eskatuta.
Zure interesekoa izan daiteke
21 urteko gizonezko bat atxilotu dute Gasteizen bikotekideari eraso egitea eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Liztor asiatikoa, espezie inbaditzaile eta kezkagarria
Bi aste eskasetan hiru pertsona hil dira Galizan liztor asiatikoaren ziztadez. Horrek espezie inbaditzaile honekiko kezka areagotu egin du Euskal Herrian ere. Zer egin beharko genuke liztor asiatikoaren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu honen aurrean.
Taldean egindako eraso faxista eta LGTBIfobiko bat salatu dute Gorraitzeko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak Eguesibko Udalaren isiltasuna kritikatu du, irailean gertatutako erasoaren aurrean.
Motor-gidari bat hil da Lemoizen gertatutako trafiko-istripu batean
Istripua gertatu den BI-3152 errepidea itxita dago, eta Ertzaintzak izapideak ireki ditu arrazoiak argitzeko.
Sarrigurenen atxilotutako gizona espetxeratu dute, adingabe bati sexu-erasoa egiteagatik
Fiskaltzak behin-behineko espetxeratzea eskatu du, komunikatua eta fidantzarik gabea, 16 urteko adingabe bati penetrazioarekin egindako sexu-eraso (bortxaketa) delitu batengatik.
Hizkuntza Ofizialen Kontseilu berria eratu da, "forma eta funtsa" aldatuta
Osaera berria izango du, eta berritasun nagusienetako da kontseilura batuko direla autonomia erkidegoetako hizkuntza politiketako ordezkariak.
Lagun bat ospitaleratu dute Gasteizen, patinetea lehertu eta kea arnasteagatik
Ibilgailuak lokal baten barruan egin zuen eztanda, eta jabeek bateria bertatik atera eta su-itzalgailu batekin busti zuten, suhiltzaileak iritsi aurretik.
Gizon bat atxilotu dute bikotekide ohia hiltzea leporatuta, Huelvan
47 urteko emakumezko biktimaren lankideek horren gorpua aurkitu zuten, indarkeria zantzuekin, lan egiten zuen eta bizi zen nekazaritza-lursailean bertan. Emakumearen alabak joan den astean Guardia Zibilari jakinarazi zionez, atxilotuak ama mehatxatu egin zuen, beste pertsona batekin ezkonduko zela iragarri ondoren.
Gabonetako trena, gaueko lasterketa eta mahai-futbol txapelketa: Bilboko metroak 30 urte bete ditu, eta ospatzen dabil
Bilboko metroak hiru hamarkada beteko ditu aurten, eta kontzertuak, zozketak eta dekorazio bereziak egingo ditu, baita Gabonetako trena, futbolin-txapelketa eta Underrun gaueko lasterketa ere.