Eusko Jaurlaritzak zentral eolikoentzako ingurumen-ebaluazioko prozedurak baliogabetu nahi dituela salatu dute
Arabako Mendiak Aske mendietan zentral eolikoak ezartzearen aurkako elkarteak deituta, Tapia Legea delakoaren kontrako elkarretaratzea egin dute gaur eguerdian Gasteizen, EAJren egoitzaren aurrean. Bertan bildutakoek, besteak beste, lehentasunezko izendatutako proiektuak ingurumen-inpaktuaren ebaluaketetatik salbuetsi ahal izango dituela ohartarazi dute.
Mobilizazioaren deitzaileek haserre agertu dira Eusko Jaurlaritzak Ingurumen Administrazioaren Legean, Tapia Legea delakoan, egin asmo duen aldaketarekin. Izan ere, salatu dutenez, Jaurlaritzak are gehiago zabaldu nahi ditu ingurumen-eragina duten proiektuak ahalbidetzeko bere eskumenak.
Joan den abenduan onartu zuen Jaurlaritzak aipatutako legea eta, horren bitartez, lehentasunezkotzat dituen proiektuak baimentzeko eskumena du, udal edo kontzejuen araudia betetzen ez duten arren. Orain, baina, proiektuok ingurumenean eragin dezaketen kalteak neurtzeko egin beharreko ebaluaketa ezabatu nahi duela ohartarazi dute Arabako Mendiak Aske elkartekoek.
Elkarteak energia konpainiekin lerrokatzea leporatu dio Jaurlaritzari, lehentasunezko proiektu horietako gehienak planta energetiko berriztagarrietara bideratuta dauden arren, horiek eremu naturaletan eraikitzea ez delako egokia, ekintzaileen ustez.
Gainera, klima larrialdiari aurre egiteko, energia ereduak kontsumoan oinarritutakoa, jasangarria eta tokian-tokian kudeatutakoa izan behar duela diote.
Zure interesekoa izan daiteke
Bideoan harrapatuta: Hiru lagun grabatu zituzten Gordexolan, etxe batera sartzen saiatzen
Azaroaren 5ean, 21:30ean, Gordexolan segurtasun kamera batzuek grabatutako irudiak dira honakoak. Autoan iritsi, eta etxeko hesia gainetik salto egiten dute hiru pertsonak. Hainbat kolpe entzuten dira eta badoaz. Kasu honetan ez zuten lortu baina inguruko etxebizitzetan lapurretak izan dira.
Familia bakarreko etxebizitzetan lapurretak egiten zituen talde ibiltari bateko kideak espetxeratu dituzte Bizkaian
Ikerketari esker, urrian eta azaroan Busturialdean eta Mungialdean egindako hamabost lapurreta argitu ahal izan dituzte.
3.000 euro ordaintzeko prest zegoen bikote bati jaioberri bat erostea galarazi diote Malagan
Erregistro Zibilean guraso gisa ageri zen gizona ez da haren aita biologikoa, baizik eta, haurtxoaren amarekin adostuta, aita gisa izendatzeko prest zegoen pertsona. Jaioberria erosi nahi zuen bikoteak ezin du seme-alabarik izan.
Gizon bat atxilotu dute Donostian, emazteari eraso egiteagatik
Biktima osasun-zentro batean artatu dute, eta atxilotua epailearen esku utziko dute beharrezko izapideak betetakoan.
Indarkeria matxistarekin lotutako ia 6.000 salaketa jaso ditu Ertzaintzak urtarriletik eta urrira bitartean
Gaur egun 6.223 emakume babesten ditu Ertziantzak indarkeria matxistatik. Segurtasun Sailak jakinarazi du, gainera, talde espezializatua martxan dagoela jada, eta sei emakumek osatzen dutela. Bestalde, salaketek gora egin dute aurten.
Lau pertsona zauritu dira, horietako bat larri, Zizur Nagusian izandako istripu handi batean
Bost ibilgailuk egin dute talka, bart, eta A-12 errepidea itxita egon da, Logroñorako noranzkoan, goizaldeko bostak arte.
Maliko errefuxiatuek Gasteizko kaleetan ematen dute gaua, muturreko hotzarekin eta aldi baterako irtenbide gabe
Negu gorriko giro betean, norbaitek entzun eta irtenbide bat ematea besterik ez dute nahi, bizitza berri bat hasi ahal izateko, gerratik eta mehatxuetatik urrun.
Gizon bat atxilotu dute Malagako etxebizitza batean bikotekide ohia hiltzea egotzita
Rincon de la Victoria udalerriko bizilagunek liskar bat izan dela ohartarazi dute 10:20 aldera. Agenteak bertaratu direnean, hilda topatu dute 60 urteko emakumea, indarkeria zantzuak zituela.
Familia eta lagun asko Urkiolara gerturatu dira, sasoiko lehen elurteaz gozatzeko asmoz
Eguzkiak giroa zertxobait berotu du, baina tenperatura baxuekin esnatu gara larunbat honetan ere. Inork ez du galdu nahi izan zuriz jantzitako paisaia ikusteko aukera.
Labrazako kontzejuak eta plataforma ekologistek Labrazako zentral eolikoa gelditzeko eskatu dute
Labrazako Kontzejuak eta Arabako Errioxa Bizirik, Arabako Mendiak Aske eta Araba Bizirik plataformek herrian aurreikusitako zentral eolikoaren proiektua berehala gelditzeko eskatu dute, EAEko Auzitegi Nagusiak proiektuaren aurka aurkeztutako errekurtsoak ebatzi arte. Gainera, Labrazan abenduaren 13an egingo den elkartasun jardunaldira gonbidatu dituzte herritarrak.