Eusko Jaurlaritzak gorroto delituen kontrako gida aurkeztu du, biktima beti erdigunean jartzea aldarrikatuta
Eusko Jaurlaritzak "Gorroto arrazista, xenofobo, antigitano eta LGTBIfobikoko gertakarien aurrean tokian-tokian jarduteko gida" aurkeztu du astelehen honetan, udalerriei gorroto delituen inguruko orientazioa emateko asmoarekin. Biltzen Kulturen arteko Integrazio eta Bizikidetzarako Euskal Zerbitzuak prestatu du dokumentua.
Beatriz Artolazabal Berdintasun, Justizia eta Gizarte Politiketako sailburuaren arabera, udal bakoitzaren egitekoa izango da gidaren edukia edo haren zati bat bere egoera pertsonalera egokitzea.
Diogenes Sabanak, Biltzeneko programen arduradunak azaldu duenez, gidaren helburua da "informatzea, sentsibilizatzea, kontzientziatzea, prebenitzea eta, batez ere, arreta, laguntza eta orientazioa ematea gorrotozko gertaera edo delituen biktimei". Halaber, dokumentuak biktima beti erdigunean jartzeko deia egiten du, tratu egokia, konfidentzialtasuna, argitasuna, azkartasuna eta autonomiarekiko errespetua bermatzeko.
Sailburuak aurkeztutako Neurtu 2021 txostenaren arabera, biztanleen % 42,5ek irainak entzun edo ikusi ditu, % 17,9k adierazi du badakiela mehatxuak egiten direla, eta % 13,5a kontziente da LGTBI taldeko kideen aurkako eraso fisikoak gertatzen direla.
Albiste gehiago gizartea
Karabela portugesa gorabeherak eragiten ari da Euskal Herriko hondartzetan
Donostiako Zurriolan eta Kontxan, eta Bizkaian Bakioko hondartzan atzeman dituzte. Itsas korronteen eta haizearen ondorioz iritsi ohi dira bizidun horiek itsasertzera, eta zenbaitetan horien ziztadak arriskutsuak izan daitezke.
Froga gizarteko albistea itxasorekin
Froga gizarteko albistea sarreatxoa Froga gizarteko albistea sarreatxoa
Albiste izango dira: Andre Maria Zuriaren jaiak, abisu horia beroagatik eta enpleguari buruzko datuak
Gaurkoan albiste izango direnen laburpena, bi hitzetan.
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.