Goiak "guztion konpromisoari" dei egin dio jaietan eraso matxistarik egon ez dadin
Eneko Goia Donostiako alkateak dei egin dio "guztion konpromisoari" Aste Nagusian eraso sexistarik egon ez dadin. "Gure jarreraren arabera daude gauza asko, eta nik uste, guztiok lagun dezakegula apur bat horrelakorik ez gertatzeko, eraso sexistarik ez egoteko", erantsi du.
Alkateak agerraldia egin du goizean Udaleko beste ordezkari batzuekin Boulevard Zumardiko kioskoan paratu duten "puntu morea" aurkezteko. Horren aburuz, "hilabete luzetan egindako lanaren adierazgarri bat da".
Azaldu duenez, "aldez aurretik lan bat egin da sentsibilizazioan, informazioa eskaintzean, eta baita horrelakorik gertatu ez dadin saihesteko lanaren inguruan ere. Nahiago genuke "puntu more" hau erabili behar ez izatea, baina zoritxarrez, beste leku batzuetan ikusi duguna ikusita, litekeena da erabili behar izatea, eta horretarako ere prest egon beharra daukagu, edozein egoera ematen dela ere".
"Puntu morea" larunbatean irekiko dute, 19:00etan
Donostiako Udalak eraso matxistei aurre egiteko protokoloa aurkeztu zuen atzo. Aurtengo protokoloa Mugimendu Feministekin eta Donostiako Piraten kolektiboarekin batera egin du Udalak, eta, bertan jasota dagoenez, Boulevardeko prentsa kiosko zaharra "puntu more" modura irekiko dute. Hortaz, emakume batek erasoren bat pairatzen badu, horra jo beharko du.
Aste Nagusian, Zurriolako hondartza izaten da puntu beltzetako bat; hori dela eta, argiztapen berezia izango du, lau argi-dorre jarriko baitira.
Bestelakoan, protokoloa etxebizitzetan eta tabernetan banatu, eta gazteen artean 10.000 liburuxka zabalduko dituzte, harreman toxikoak saihestu eta erasoei nola aurre egin jakinarazteko.
Ane Oyarbide Berdintasuneko zinegotziak adierazi zuenez, "Udalak indarkeria sexistaren kontra sentsibilizatu nahi ditu donostiarrak; izan ere, desberdintasunak eragindako arazo sozial bat da indarkeria, eta, horregatik, erantzunak ere soziala izan behar du. Guztioi dagokigu errespetuzko, berdintasunezko eta indarkeriarik gabeko jarrera bat sustatzea".
Aste Nagusian, bi hezitzaile ibiliko dira gazteak dauden tokietan horiek sentsibilizatzeko.
Informazio eta material guztia webgune honetan aurki daiteke: ezezetzda.eus
Albiste gehiago gizartea
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.