Mugako auto pilaketen inguruan galdetuko dio EAJk Espainiako Gobernuari
EAJren Diputatuen Kongresuko taldeak galdera sorta bat erregistratu du, Espainiako Gobernuari zuzenduta, Gipuzkoa eta Lapurdi arteko mugan, Espainia eta Frantzia arteko mugako bidesarietan, izaten ari diren trafiko arazoek sortzen dituzten "eragozpenengatik".
Iñigo Barandiaran diputatuak azaldu duenez, azken urteotan "ohikoa izaten da AP-8 eta A-63 errepideen arteko mugan auto ilarak egotea oporraldiak hasten edo amaitzen direnean". Azpimarratu duenez, aurten bereziki "biziak eta ohikoak" izan dira, eta "eragin handia izan dute nazioarteko trafikoan eta Irungo herritarrengan".
Hori dela eta, EAJk Exekutiboari galdetu dio "zer arrazoiri egozten dizkion bidesarietan eta Frantziako mugan, Biriatun eta Irunen, oporraldi baten hasieran edo amaieran sortzen diren trafiko arazoak, aurten bereziki handiak eta ohikoak".
Ildo horretan, galdetu du ea posible den kilometro askoko auto ilara horiek "Frantziako agintariek ezartzen dituzten mugako kontrolen ondorioz" gertatzea, eta galdetu dio ea elkarrizketarik hasi duen Frantziako agintariekin, "konponbideren bat bideratzeko".
Halaber, "kontrol horiek beste formatu batzuetara bideratzeko aukeraren" inguruan galdetu du, "nazioarteko trafikoarentzat zein, batez ere, Irungo hiriarentzat eta biztanleentzat eragin txikiagoa" izan dezaten. Azkenik, Sanchezen Gobernuari galdetu dio ea jabetzen den "inpaktuaz eta eragozpenez".
Albiste gehiago gizartea
Albiste izango dira: Andre Maria Zuriaren jaiak, abisu horia beroagatik eta enpleguari buruzko datuak
Gaurkoan albiste izango direnen laburpena, bi hitzetan.
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.