Diruaren truke atzerritarrei trafiko-azterketa teorikoa gainditzen laguntzen zien sare bat ikertzen ari dira
Espainiako Polizia Nazionaleko Donostiako agenteak atzerritarrei gidatzeko azterketa teorikoak gainditzen laguntzeko sare antolatu bat ikertzen ari dira; iruzurgileek 2.000 eta 4.000 euro artean kobratzen zieten azterketariei ezkutuko gailu elektronikoen bitartez erantzunak emateko.
Komunikatu baten bidez, Euskal Autonomia Erkidegoko Gobernu Ordezkaritzak jakinarazi du azterketariek, kasu askotan, ez zutela espainieraren ezagutza mailarik baimen horietarako sarbidea ematen duten probak osatzen dituzten galderei erantzun ahal izateko.
Ikerketa duela zenbait hilabete hasi zen, Gipuzkoako Trafikoko Probintzia Buruzagitzako funtzionarioek eta Polizia Nazionaleko agenteek azterketa-egoitzetan egindako kontrolen bidez, gidatzeko proba teorikoak gainditzeko gailu elektronikoak iruzurrez erabiltzen zituzten hautagaien kopurua "nabarmen igo" zela ikusi zutenean.
Hori dela eta, operatibo bat martxan jarri eta horrek ahalbidetu zuen jakitea gailu horiek (telefono mugikorrak, kamerak, belarri barneko entzungailuak edo antenak) erakunde batek hautagaiei ematen zizkien arropen barruan itsatsita edo josita zeudela. Horrela, kanpoan zeuden hirugarren pertsonek, terminal horien bidez, erantzun egokiak ematen zizkieten.
Ikerketari esker, Gipuzkoan bakarrik, azken hiru hilabeteetan dozena bat pertsona baino gehiago identifikatu dituzte azterketak iruzurrez egin nahian.
Era berean, zehaztu ahal izan dute, zerbitzu horien truke, erakunde horrek 2.000 eta 4.000 euro artean kobratzen zituela, eta horrek "agerian uzten du legez kontrako onurak eta bide segurtasunerako praktika horrek dakarren arriskua", bide publikoan modu seguruan gidatzeko beharrezko ezagutza teorikorik ez duten pertsonei ibilgailuak maneiatzeko aukera ematen baitie, polizia iturriek zehaztu dutenez.
Operazioa zabalik dago, eta, orain arte, azterketara aurkeztutako lau atzerritarri baliabide teknikoak eta gailu mugikorrak emateko ardura zuen erakundeko kide bat atxilotu dute.
Erabiltzaileen erantzukizunari dagokionez, Trafikoko Zuzendaritza Nagusiak 500 eurorainoko isunak aurreikusten ditu, eta sei hilabeteko epean probetara berriz aurkezteko debekua.
Zure interesekoa izan daiteke
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak islatzen du Guggenheim Museoa Urdaibain zabaltzerik "ez" dela nahi, baina eskualdeko garapenari begi onez begiratzen zaiola utzi du agerian
Herritarren artean entzute-prozesua gidatu duen Agirre Lehendakaria Centerrek azaldu duenez, "hasierako narratiba" horien zati handi bat "beste joera bat" hartu du hilabeteetan zehar. Izan ere, Urdaibaiko Guggenheimen aurkako iritziak jaso dira, baina baita eskualdearen garapenaren aldeko jarrerak ere.
Korrika egin, osasuntsu zahartzeko: Fernando eta Leopoldo, 81 eta 76 urterekin atxintxika egiten jarraitzen duten beteranoak
Fernandok 31 Behobia daramatza, azken bi urteetan beteranoena izanik, eta Leopoldo erretiroa hartu baino pixka bat lehenago hasi zen kilometroak egiten. Korrika egitea botikarik onena da bientzat, ez bakarrik ongizate fisikoagatik, gaixotasunak prebenitzen eta sasoiz zahartzea atzeratzen ere laguntzen baitie.