Dieguez, BCSCko zuzendaria: "Oso urrun gaude eduki beharko genukeen babes mailatik"
Soilik 2022ko bigarren hiruhilekoan, Basque CyberSecurity Centre (BCSC) erakundeak 416.552 mehatxu zantzu identifikatu, eta 20.751 phishing url aktibo identifikatu ditu. Zentroaren helburua, Euskadin eragina izan dezaketen mehatxuak modu proaktiboan identifikatu eta, horien arabera, neurri tekniko egokiak proposatzea da. Zoritxarrez, badauka zer aztertu, eta non, erasoak zein eraso saiakerak etengabeak izaten direlako.
Javier Dieguez Zibersegurtasuneko Euskal Zentroko zuzendariarekin euskal enpresek zibersegurtasunaren esparruan hartzen dituzten neurriez aritu gara eta, uste litekeena gorabehera, errealitatea da "eduki beharko genukeen babes mailatik oso urrun" gaudela.
"Badaude oso ondo prestatutako enpresak, baina ez da arrunta. Euskal Enpresa Txiki eta Ertain pilo dago Euskadin, eta haientzat oso zaila da ulertzea zer den arlo digitala, eta nola eragiten dien euren negozioei. Eduki beharko genukeen babes mailatik oso urrun gaude", azpimarratu du.
Halere, enpresak gabezia horren jakitun dira, eta badakite non jarri behar duten azpimarra. Horretarako, alabaina, baliabideak eta denbora behar dira. Baliabideak zibersegurtasuneko produktu eta zerbitzuei bideratzeko; eta, denbora, formakuntzarako eta langile zein herritarren kontzientziaziorako.
Jose Gaviria Deustuko Unibertsitateko irakasle eta zibersegurtasunean adituak azaldu digunez, "enpresek gero eta gehiagotan eskatzen dizkigute zibersegurtasunean ezagutza duten perfilak, baina ez soilik ikuspuntu informatikotik, baita zuzenbidearen arlotik ere, esaterako".
Gaviriaren arabera, "zibersegurtasuna ez da soilik informatikoa, ez da soilik softwarea, hardwarea ere bada. Esaterako, pentsa Mercedesen robot baten kasuan, torloju bat gaizki ipintzea lortzen dutela, kalteak oso handiak lirateke".
Dieguez ere iritzi berekoa da, zibersegurtasuna modu orokorrago batean ulertu behar da, "ez dugu teknologia arlo gisa bakarrik ulertzen, baizik lehiakortasun moduan. Enpresek haien prozesuak eta produktuak babestu behar dituzte, eta fidagarriak izan behar dira. Enpresei zibersegurtasuna ulertzen laguntzen diegu".
Edonola ere, Diequez baikor agertu da, batetik, duela bost urtetik ona (hain zuzen, Wannacry birusaren mundu mailako erasoa izan zenetik) zibersegurtasuna esparru tekniko edo informatikotik atera, eta egunerokoan sartu da.
Horren adibide argia dute BCSCn: SPRIk industriaren sektoreko enpresei zibersegurtasunaren esparruan laguntzeko programaren eskaerei begiratuta, azken hiru urteetan, laukoiztu egin da laguntza eskatu duten enpresa kopurua.
Zeintzuk dira eraso ohikoenak?
Gehiagotan ematen den erasoa, enpresetan zein enpresatik kanpo, erabiltzaile zein pasahitzen lapurreta da eta, horretarako, ez da oso software garatu eta aurreraturik behar. Izan ere, gaizkileek leku ahulenera jotzen dute, hau da, "ingeniaritza soziala" aplikatu. Beste modu batean esanda, engainatu egiten dituzte erabiltzaileak.
Nola gerta daiteke hori? Batetik, ezagutza faltagatik eta, bestetik, ezagutzen dena ez delako praktikan gauzatzen. Javier Dieguezek, horren kontura, oinarrizko zenbait aholku eman ditu.
Albiste gehiago gizartea
Atun gorria gizentzeko Getariako uretan Aztik eta Balfegok dituzten kaioletan lehenengo 50 hegalaburrak sartu dituzte
Hegalaburraren lehen 50 aleak Getariako gizentzeko itsas haztegiko bi kaioletan daude dagoeneko. Tunidoak sardina eta berdel izoztuekin elikatuko dituzte urriaren amaierara arte, eta hil horren amaieran sakrifikatuko dituzte. Hartuko dituzten kiloak gantza dira, atunaren haragian sartzen den koipea.
Donostiako Amara auzoan kalean bizi diren 50 pertsona migratzaileei Arantzazun ostatu emango diete
Gipuzkoako Foru Aldundiak, Donostiako Udalarekin lankidetzan, aldi baterako ostatu bat prestatu du herri horretan.
Edurne eta Zeledon Txikiren jaitsierak Andre Maria Zuriaren plaza bete du txikien egunean
Aiora Diaz, Los Alegrios kuadrillako 12 urteko neska, eta Eñaut Saenz de Viteri, Galtzagorri kuadrillako 10 urteko blusa, izan dira aurtengo Edurne eta Zeledon Txiki. Eguerdian, txupinazoarekin batera, Zeledon Txikiren eta Edurneren panpinak San Migel elizako dorretik jaitsi dira. Ondoren, Aiora eta Eñaut elizako balkoira itzuli dira eta, handik festaz gozatzeko deia egin diete Gasteizko haur guztiei.
Donostiako Boulevardeko puntu morea berriro irekiko dute Aste Nagusian, indarkeria sexista kasuak prebenitzeko eta artatzeko
Larunbat honetatik aurrera, prentsa kiosko zaharrean, profesionalek aurrez aurreko arreta zerbitzua emango dute. Era berean, Emakumeen Etxea eta Berdintasun Sailaren telefonoa ere erabilgarri egongo dira, beste baliabide batzuekin batera.
Osakidetzak haurrei I motako diabetesa goiz detektatzeko Estatuko lehen azterlana abiatu du
6.000 pertsonak baino gehiagok parte hartuko dute Euskadiko Osasun Zerbitzuak zuzendutako lanean. Sintoma klinikoak agertu aurretik gaixotasuna identifikatzea da helburua, eta, horrela, konplikazioak murriztu eta aurretiaz jarduteko aukera ematea.
PPk eta Voxek debekatu egin dute jendaurrean Islamarekin lotutako ekitaldiak egitea, Jumillan, Murtzian
Ezingo dute ospatu, adibidez, musulmanen artean ohikoa den Arkumearen Jaia. Voxek proposatu zuen mozioa, eta PPren babesarekin, aurrera atera da. Jumilla da, hortaz, xenofobia instituzioek bultzatzen duen lehen herria.
EAEk 2.355 biztanle irabazi ditu bigarren hiruhilekoan, atzerritarren etorrerari esker
Jatorriari dagokionez, Araban, Bizkaian eta Gipuzkoan bizi diren atzerritar gehienak Kolonbian (1.400), Marokon (830) eta Venezuelan (760) jaiotakoak dira.
Beste sute bat piztu da Artaxoa eta Añorbe artean, baina suhiltzaileek egonkortzea lortu dute
Sutea 18:13an hasi da, eta ez du zerikusirik asteartean piztu ziren biekin. Sutea garagar eta gari uzta jasota dagoen galtzu soro batean hasi da, baina basoa gertu du.
EHUk Bakearen aldeko Adierazpena sinatu du Hiroshiman, eta Bengoetxea errektoreak Gazako sarraskia salatu du
Joxerramon Bengoetxeak "memoria ariketaren garrantzia" azpimarratu du. "Unibertsitateok gure esku dagoena egitera behartuta gaude, errepika ez dadin eta gertatutakoa ahaztu ez dadin", erantsi du.
Beroa Eukal Herrian: osasun alerta gorria Nafarroan, eta abisu horia EAEn eta Iparraldean
Ostegunetik aurrera tenperatura altuak izango dira, eta Nafarroako Erriberan 40 gradura iritsiko dira. Aurreikuspenen arabera, balio horiek igandera arte mantenduko dira, gutxienez. Gainera, ostiralean tenperatura maximoak 35 gradutik gorakoak izan daitezke, ez bakarrik Arabako hegoaldean, baita Kantauri isurialdeko barnealdean ere.