Santutxun topatu dute Basurtuko Ospitalean bahitutako haurtxoa
Basurtuko Ospitalean bart bahitutako haurtxoa onik topatu dute goizean Santutxu auzoan (Bilbo), Segurtasun Sailak ohar batean baieztatu duenez.
Iturrion arabera, auzo horretako etxebizitza bateko atarian aurkitu dute. Emakumeak bertan utzi du jaioberria, tinbrea jo, eta ihes egin du.
Gurasoekin ospitalean dago umetxoa.
Ertzaintzak bahitzailearen bila jarraitzen du, baina identifikatuta dute, Josu Erkoreka Segurtasun sailburuak jakinarazi duenez. Bahiketaren egilea 24 urteko emakumea da, 1,60 metro altu eta gorpuzkera lodikoa. Ile kizkur luzea motots batean du bildua.
Emakumea 23:00ak aldera ikusi zuten azkenekoz, jaioberria besoetan zuela. Hala erregistratu zuten segurtasun kamerek ere (albiste honekin batera ikus daitezkeenak). Irudiotan ikus daitekeenez, andreak mahuka motzeko kamiseta zuria, marrazki geometriko estanpatudun praka estuak eta kirol-zapatilak zeramatzan. Halaber, ilargi erdiko poltsa beltz txiki bat zeraman aldean, baita rafia motako poltsa angeluzuzen bat ere.
Erkoreka: "Emakumea hainbat haurtxo bahitzen saiatu zen"
Kasuaren inguruko informazioa emateko agerraldia egin du Josu Erkoreka Segurtasun sailburuak Legebiltzarraren atarian. Jakinarazi duenez, jaioberria printzipioz ondo dago, baina osasun agintariek baieztatu behar dute hori.
Erkorekaren hitzetan, bahitzailea identifikatuta dute. Emakume gaztea hainbat haurtxo ebasten saiatu zen harik eta lortu zuen arte. Oraindik ez dago argi zergatik jokatu duen horrela, eta atxilotu arte zain egoteko eskatu du.
Herritarrek emandako laguntza eskertu du, "dei asko jaso ditugu", nabarmendu du.
Horri buruzko informaziorik eman dezakeen pertsona orok, mesedez, jarri harremanetan Emergentzietako Sos-Deiak 112 telefonoarekin, edo bidali mezu elektroniko bat honako helbide honetara: colabora_app@ertzaintza.eus.
Albiste gehiago gizartea
"Nahasmendu delirantea" diagnostikatu diote medikuek Kabiecesen 400 haur baino gehiago txertatu gabe utzi zituen erizainari
Epaiketaren laugarren egunean, auzipetua auzitegian aurkeztu da, baina deklaratzeko moduan ez dagoela onartu du.
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioa Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.