Euskal Autonomia Erkidegoak 6.682 biztanle galdu ditu urtebetean, 2021etik 2022ra
Euskal Autonomia Erkidegoan 2.186.517 biztanle zeuden 2022ko urtarrilaren 1ean, 2021ean baino 6.682 gutxiago, Eustat Euskal Estatistika Erakundeak gaur goizean zabaldutako datuen arabera. Iaz hasitako joera mantentzen da, orduan jaitsiera 6.512 pertsonakoa izan zen 2020. urtearekin alderatuta.
Beherakadarik handiena Bizkaian (-4.914) izan da, Gipuzkoaren aurretik (-2.271) eta Araba da biztanleria hazi den lurralde bakarra (+503). Bizkaiak 1.139.209 biztanle ditu, Gipuzkoak, 716.616, eta Arabak, 330.692.
EAEko hiru hiriburuen artean, Gasteiz da biztanle igoera izan duen bakarra (273 gehiago). Donostiak 319 biztanle galdu ditu eta Bilbok, ostera, 2.207. Azken 20 urteetako joerari erreparatuz gero, Bilbon 6.162 pertsona gutxiago dira; Donostian, 2.585 gehiago; eta Gasteizen, 31.180 gehiago.
Gainerako udalerriei dagokienez, erdiek baino gehiagok biztanleak galdu dituzte azken urtean. Termino absolutuetan beherakada handiena izan duen udalerria Getxo da (-690), baina ehunekoak aintzat hartuta, ostera, Izurtza (% 11,4).
2002 eta 2022 bitartean, Portugalete, Getxo, Sestao, Basauri eta Santurtzi (Bilbo Handia) izan ziren biztanle gehien galdu zuten udalerriak, 20.194 pertsona galdu baitzituzten guztira. Bizkaian, Ondarroak, eta, Gipuzkoan, Arrasatek eta Eibarrek 1.000 biztanletik gorako jaitsierak izan zituzten.
Azken 20 urteetan, Bilbo Handia izan da biztanleria-galera handiena izan duen eskualdea (8.881 pertsona), eta hazkunderik handienak Arabako Lautadan (36.223 biztanle gehiago), Donostialdean (14.916 biztanle gehiago) eta Plentzia-Mungian (13.099 biztanle gehiago) izan dira (% 28,2ko hazkundea izan du 20 urte horietan).
Albiste gehiago gizartea
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioak Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.