Mahsa Amini gogoan
Pasa den irailaren 16an Poliziak hil zuen Mahsa Amini agurtu nahi izan zuten atzo Irango Aichi hilerrian. Aldarrikapenak xii kulturan du oinarria; horretan, oso garrantzitsua da hildakoak gogoan edukitzea, eta dolua hil eta 40 egunera luzatzen da.
Fars hedabide ofizialaren arabera, 2.000 pertsona inguru gerturatu ziren 22 urteko neskaren hilobira. Bertaratu zen jendeak ateratako irudietan, pilaketak ikusten dira, eta trafikoan ere eragina izan zuela ikus zitekeen.
Gazte irandarra hil zenetik, protesta ugari egin dira, baina atzokoa beste guztiak baino handiagoa izan zen.
"Emakumea, bizitza, askatasuna", "askatasun, askatasuna, askatasuna" eta "diktadorearen heriotza" oihuak entzun ziren jendetzaren artean.
Aminiren jaioterrian, liskarrak egon ziren Poliziarekin, baina hedabide ofizialen arabera, "gatazka batzuk izan ziren han-hemen". Hengaw GKE kurduak, baina, adierazi zuen Poliziak gas negar-eragileak eta armak erabili zituela.
Protestak ez ziren Aminiren hilobiaren inguruan soilik egin, Asiako beste gune batzuetan ere, aldarrikapenak egin ziren.
Gerturatu zirenen gehiengoa emakume gazteak izan ziren, eta Gobernuari kontra egiteko, kultura islamikoaren sinbolo diren beloak erre zituzten.
Mobilizazioak Poliziaren presentziarekin batera hazten joan ziren. Gune gatazkatsuena unibertsitateak izan ziren.
Irango Gobernuak zehapenak ezarri zizkien 8 pertsonari, horien artean, Javier Zarzalejos, Hermann Tertsch eta Alejo Vidal-Quadras espainolei. Gainera, Europako 12 elkarte ere zigortu zituen terrorismoa eta talde terroristak babesteko nahita egindako ekintzak zirela uste dutelako. Gobernuak adierazi zuen zigorrak Europar Batasunak ezarritako neurriei erantzuteko jarri zituztela.
Irango gobernuak adierazi zuenez, aipatutako zigorrak terrorismoari eta talde terroristei laguntzeko, terrorismoa sustatzeko eta bultzatzeko, eta indarkeria eta gorrotoa zabaltzeko nahita egindako ekintzengatik jarri zituzten.
Zure interesekoa izan daiteke
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".