Zinpeko epaimahaia aukeratuta, hasi da Zornotzako hilketaren epaiketa
Bizkaiko Auzitegiaren 2. sekzioan gaur osatu da duela bi urte Zornotzan (Bizkaia) izandako hilketa epaituko duen zinpeko epaimahaia. Akusatuen aulkian biktimaren iloba eseriko da, osaba kolpeka hiltzea egotzita. Zazpi emakumek eta bi gizonek epaituko dute auzia.
2020ko maiatzean, Boroa auzoko baratzean lanean ari zen 66 urteko gizonaren hilketa argitzea du helburu epaiketak. Akusazioaren arabera, artean 39 urte zituen iloba baratzara joan zen eta, osaba bizkarrez zegoela, kolpeak eman zizkion aizkora-buruaren atzealdearekin.
Ilobak berak abisatu zuen Ertzaintza, eta agenteei esan zienez, biktimak istripua izan zuen rotabatorearekin. Burutik odola zeriola, buruz behera baina bere kordean topatu zuten agenteek. Biktima bi egun geroago hil zen Gurutzetako Ospitalean.
Hasiera batean istripu gisa ikertu bazuen ere, gerora ilobaren testigantzan kontraesanak eta kriminalitate zantzuak atzeman zituen Ertzaintzak, eta iloba atxilotu zuen biharamunean.
Fiskaltzak 20 urteko kartzela zigorra eskatu du akusatuarentzat, erailketa delitua egotzita. Akusazio idatziaren arabera, iloba ortura joan, eta, osaba bizkarrez zegoela, aizkora-buruaren atzealdearekin kolpeak eman zizkion.
Zinpeko epaimahaia osatuta, astelehenean deklaratuko du behin-behineko kartzelaldian dagoen akusatuak. Ondoren, lekukoen eta adituen txanda izango da. Aurreikuspenen arabera, hilaren 28an bukatuko da epaiketa, eta herri epaimahaiak epaia eman beharko du orduan.
Albiste gehiago gizartea
Espainiako online jokalarien kopurua % 20 baino gehiago igo da 2024an, 'ongietorri bonuak' direla eta
Eskubide Sozialen, Kontsumoaren eta 2030 Agendaren Ministerioak zuzenketa bat bultzatu du Bezeroentzako Arreta Zerbitzuen hurrengo Legean, arau horrek 'ongietorri bonu' deritzonen debekua barne har dezan.
Karabela portugesa gorabeherak eragiten ari da Euskal Herriko hondartzetan
Donostiako Zurriolan eta Kontxan, eta Bizkaian Bakioko hondartzan atzeman dituzte. Itsas korronteen eta haizearen ondorioz iritsi ohi dira bizidun horiek itsasertzera, eta zenbaitetan horien ziztadak arriskutsuak izan daitezke.
Albiste izango dira: Andre Maria Zuriaren jaiak, abisu horia beroagatik eta enpleguari buruzko datuak
Gaurkoan albiste izango direnen laburpena, bi hitzetan.
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.