Eskubide sozialen alde eta pobretzearen kontra, Hego Euskal Herriko hiriburuak hartu dituzte milaka lagunek
Milaka lagun kalera atera dira Hego Euskal Herriko hiriburuetan aberastasunaren banaketa bidezkoa eskatzeko, langile klasearen "pobretzearen" aurrean. Pentsiodunen eta soldatapekoen erosahalmena berreskuratzea ere eskatu dute, baita hezkuntza, osasuna edo zaintza sistema bezalako zerbitzu publikoen hobekuntza ere,.
Pentsiodunen Mugimenduak eta Euskal Herriko Eskubide Sozialen Karta osatzen duten beste 34 kolektibok deitu dituzte manifestazioak, tartean, ELA, LAB, ESK eta STEILAS sindikatuek.
Eguerdian Gasteizen izan da hitzordua eta 17:30ean hasi dira Bilbo, Donostia eta Iruñeko martxak. "Pobretzearen aurrean, aberastasuna banatu", edo "Pobretzeari STOP! Bizi baldintza duinak eta prezioan kontrola" izan dira manifestazioetan ikusi diren askotariko leloetako batzuk.
Erakunde deitzaileek deitoratu egin dute egungo krisi sistemikoaren aurrean botere publikoen aukera "langile klasea pobretzea, zerbitzu publikoak murriztea, emakumeak zainketa lan ikusezin eta aitortu gabeak egitera kondenatzea" izatea, bai eta "planetako ekosistemak eta biodibertsitatea suntsitzea" ere "pertsona gutxi batzuek gero eta aberastasun gehiago biltzearen kontura".
Ildo horretan, manifestariek 1.400 euroko gutxieneko soldata eta 1.080 euroko gutxieneko pentsioak aldarrikatu dituzte, bai eta soldata eta pentsioetako arrakalak amaitzea, zaintza eta arreta zerbitzu soziosanitarioen sare publiko unibertsala bermatzea eta Diru-sarrerak Bermatzeko Errentaren murrizketak berehala amaitzea ere.
Eusko Jaurlaritzari eskatu diote "egin behar duena egiteko" pertsona guztiei bizitza duin bat ahalbidetuko dizkieten zerbitzu publikoak, pentsioak eta soldatak bermatzeko.
Manifestu batean, etxebizitzaren eta alokairuaren prezio "neurrigabeak" ere izan dituzte hizpide deitzaileek, gazte asko emantzipatu ezinik egotea dakartzatenak.
Era berean, "oligopolio energetikoaren" aurka egin dute, oinarrizko produktuen (energia eta elikagaiak) prezioak igotzea eragiten ari baita.
Bien bitartean, "Ibex 35eko enpresek etekinen errekorra" lortu dutela salatu dute. "2021ean irabaziak % 83 handitu dira 2019arekin alderatuta, eta enpresen iruzur fiskala handitu da", salatu dute.
Sindikatuen eskaerak
Mitxel Lakuntza ELAko idazkari nagusiak kritikatu duenez, Eusko Jaurlaritza eta Nafarroako Gobernua "Europan fiskalitateaz hitz egiten ez duten bakarrenetakoak dira", eta aurrekontu "eskasak eta defendaezinak" aurkeztu dituzte. Hori dela eta, Iñigo Urkullu lehendakariari eta Maria Chivite Nafarroako presidenteari eskatu die "botere ekonomikoetatik urrundu eta jendearen alde jartzeko".
Garbiñe Aranburu LABeko koordinatzaile nagusiak ere enpresen onurak gehiago zergapetzeko erreforma fiskala errefusatzea kritikatu du, "pobrezia urtetik urtera areagotzen ari denean". Lakuntzak egin gisan, Aranburuk ere adierazi du "gobernuek eta alderdi sistemikoek" ez dutela "herritarren bizitza duina erdigunean jarriko duten politika publikoak bultzatzeko erabakirik edo borondaterik".
Zure interesekoa izan daiteke
21 urteko gizonezko bat atxilotu dute Gasteizen bikotekideari eraso egitea eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Liztor asiatikoa, espezie inbaditzaile eta kezkagarria
Bi aste eskasetan hiru pertsona hil dira Galizan liztor asiatikoaren ziztadez. Horrek espezie inbaditzaile honekiko kezka areagotu egin du Euskal Herrian ere. Zer egin beharko genuke liztor asiatikoaren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu honen aurrean.
Taldean egindako eraso faxista eta LGTBIfobiko bat salatu dute Gorraitzeko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak Eguesibko Udalaren isiltasuna kritikatu du, irailean gertatutako erasoaren aurrean.
Motor-gidari bat hil da Lemoizen gertatutako trafiko-istripu batean
Istripua gertatu den BI-3152 errepidea itxita dago, eta Ertzaintzak izapideak ireki ditu arrazoiak argitzeko.
Sarrigurenen atxilotutako gizona espetxeratu dute, adingabe bati sexu-erasoa egiteagatik
Fiskaltzak behin-behineko espetxeratzea eskatu du, komunikatua eta fidantzarik gabea, 16 urteko adingabe bati penetrazioarekin egindako sexu-eraso (bortxaketa) delitu batengatik.
Hizkuntza Ofizialen Kontseilu berria eratu da, "forma eta funtsa" aldatuta
Osaera berria izango du, eta berritasun nagusienetako da kontseilura batuko direla autonomia erkidegoetako hizkuntza politiketako ordezkariak.
Lagun bat ospitaleratu dute Gasteizen, patinetea lehertu eta kea arnasteagatik
Ibilgailuak lokal baten barruan egin zuen eztanda, eta jabeek bateria bertatik atera eta su-itzalgailu batekin busti zuten, suhiltzaileak iritsi aurretik.
Gizon bat atxilotu dute bikotekide ohia hiltzea leporatuta, Huelvan
47 urteko emakumezko biktimaren lankideek horren gorpua aurkitu zuten, indarkeria zantzuekin, lan egiten zuen eta bizi zen nekazaritza-lursailean bertan. Emakumearen alabak joan den astean Guardia Zibilari jakinarazi zionez, atxilotuak ama mehatxatu egin zuen, beste pertsona batekin ezkonduko zela iragarri ondoren.
Gabonetako trena, gaueko lasterketa eta mahai-futbol txapelketa: Bilboko metroak 30 urte bete ditu, eta ospatzen dabil
Bilboko metroak hiru hamarkada beteko ditu aurten, eta kontzertuak, zozketak eta dekorazio bereziak egingo ditu, baita Gabonetako trena, futbolin-txapelketa eta Underrun gaueko lasterketa ere.