Jaurlaritzak Osakidetzaren krisia bideratzeko elkarrizketa eskatu du, baina "bere bidean eta tokian"
Elkarrizketa bai, baina bere bidean eta bere tokian. Hitzokin erantzun die Bingen Zupiria Eusko Jaurlaritzako eledunak Osakidetzan lehertutako krisiaren aurrean Osasun Sailari gardentasun eza egotzi dietenei. Donostialdeko ESIko kargugabetze eta dimisioen ondotik, "egoera oso berezian gaudela" aitortu du Zupiriak, eta hori bideratzeko "elkarrizketa nahitaezkoa" dela iritzi dio. Zentzu horretan, argi utzi du Gasteizko Gobernuak "elkarrizketa eskatu eta eskaini" duela "arlo ezberdinetako ordezkariekin", konponbideak bilatzeko. "Horretan hasita gaude azken egunotako izendapenekin", gehitu du.
Halere, eragileen arteko hartu-eman hori dagokion tokian gauzatu behar dela nabarmendu du: "elkarrizketak bere bideak eta tokiak ditu, eta Jaurlaritzak konpromisoa du elkarrizketa sustatzeko behar den tokietan". Zentzu horretan, Eusko Legebiltzarrera joan eta eman behar diren azalpen guztiak emateko konpromisoa berretsi du. Hori dela eta, ez dio "koherentea" irizten, "mediku talde batek egindako adierazpenei", Gasteizko Gobernuak hedabideen bidez erantzutea.
Durangon, gaur goizean, egindako adierazpenetan, Jaurlaritzak "kalitatezko osasun arretarik onena eskaintzeko eta bermatzeko" duen konpromisoa nabarmendu du Kultura eta Hizkuntza Politikako sailburua ere badenak. Gogora ekarri du "2023ko aurrekontuetan diru partidarik handiena osasun arloak eramango" duela.
Joan den ostiralean azaleratu zen aurrekaririk gabeko krisia Osakidetzan, Donostialdeko ESIko gerentea eta zuzendaria kargugabetu, eta horren ondotik hainbat arduradunek dimisioa aurkeztu eta gero.
Atzo egindako agerraldian, Gotzone Sagardui Osasun sailburuak "ikuspegi bateratua partekatzeko zailtasunen" ondoriotzat jo zituen kargugabetzeak. Horren hitzetan, Osakidetzaren sarea osatzen duten erakunde guztiek "elkarri lotuta" lan egin behar dute, "ikuspegi partekatu batekin". Zentro bakoitzeko zuzendaritza taldeen "ardura da itun hori eraginkor egitea", eta Donostialdeko ESIaren kasuan "zailtasunak" izan dira "ikuspegi bateratu eta jarduera koordinatu" horri eusteko. "Donostialdeko ESIaren kasuan izan diren hainbat gertakarik hala eskatuta, pertsonak aldatzea beharrezkoa izan da. Sare bat gara". Hala azaldu zuen sailburuak, gertakari horiei buruzko xehetasunik eman gabe.
Albiste gehiago gizartea
Sei pertsona atxilotu dituzte Castro Urdialesen, luxuzko txalet batean 500 marihuana-landaretik gora atzeman ondotik
Landareak etxebizitzaren beheko solairuan zeuden, eta leihoak eta kanporako atea zigilatuta zeuden, usainik atera ez zedin.
Hegazti gripearen kasuak detektatu dituzte Santurtzin eta Erandion jasotako kaio hankahorietan
Hegaztiei bakarrik eragiten die, ez zaie pertsonei transmititzen eta ez da arriskutsua osasun publikorako. Hala ere, prebentzio-kontrolerako neurriak ezarri dira eremu horretan, animalien osasuna babesteko eta hegaztien sektorean izan daitekeen edozein eragin minimizatzeko.
26 urteko gizon bat atxilotu dute Gasteizen, bikotekideari jazarpena eta tratu txarrak emateagatik
Igandean izan zen atxiloketa. Udaltzaingoaren patruila bati jakinarazi zioten gizon bat emakume bat jazartzen ari zela, etengabe etxeko atea jotzen.
Bilboko Konpartsek 600 jarduera baino gehiago antolatu dituzte Aste Nagusira begira, tartean 250 kontzertu
Kirolak garrantzia handia izango du, eta txikientzako jarduerak ere ez dira faltako, ia egunero, aste berezi horretan. Halaber, ez dira faltako: arte eta sukaldaritza tailerrak, puzgarriak, txotxongiloak eta pailazoak, goitiberak eta txosnak eraikitzeko tailerrak, besteak beste.
Iñaki Kerejazu (Zeledon): "Jai seguruak behar ditugu guztiontzat; ez dugu inolako erasorik onartuko Gasteizen"
Bigarren urtez jarraian Iñaki Kerejazuk gorpuztuko du Zeledon, eta ordu batzuk besterik ez dira falta bere ohiko aterkia, ardo-zahatoa eta zapia hartzeko eta Andre Maria Zuriaren jaiei hasiera emateko, 18:00etan.
Espainiako online jokalarien kopurua % 20 baino gehiago igo da 2024an, 'ongietorri bonuak' direla eta
Eskubide Sozialen, Kontsumoaren eta 2030 Agendaren Ministerioak zuzenketa bat bultzatu du Bezeroentzako Arreta Zerbitzuen hurrengo Legean, arau horrek 'ongietorri bonu' deritzonen debekua barne har dezan.
Karabela portugesak gorabeherak eragiten ari dira Euskal Herriko hondartzetan
Donostiako Zurriolan eta Kontxan, eta Bizkaian Bakioko hondartzan atzeman dituzte. Itsas korronteen eta haizearen ondorioz iritsi ohi dira itsasertzera, eta zenbaitetan haien ziztadak arriskutsuak izan ohi dira.
Albiste izango dira: Andre Maria Zuriaren jaiak, abisu horia beroagatik eta enpleguari buruzko datuak
Gaurkoan albiste izango direnen laburpena, bi hitzetan.
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).