2023-2024 ikasturteko matrikulazio prozesuan eskola segregazioari aurre egiteko neurriak jarriko dira martxan
Eusko Jaurlaritzak neurri zuzentzaileak jarriko ditu martxan 2023-2024 ikasturteko matrikulazio prozesuan eskola segregazioari aurre egiteko. Begoña Pedrosa Hezkuntza sailburuordeak azaldu duenez, dagoeneko aplikatzen diren neurri konpentsatorioak "oso garrantzitsuak" dira, baina neurri zuzentzaileak behar dira eskola segregazioari aurre egiteko eta ikasle zaurgarriak ikastetxeen artean modu orekatuan banatzeko.
Neurri zuzentzaileak aplikatuko dira Hezkuntza Saila prestatzen ari den bi araudi berriekin. Batek matrikulazio prozesuari berari eragiten dio eta, besteak, matrikulazio biziaren prozedurari.
Ikasleak modu orekatuan banatzea bilatzen du prozedura berriak, Haur Hezkuntzan sartzen direnetik (2 urteko geletan). Diru publikoarekin sostengatutako ikastetxe guztiek plaza kopuru bat gorde beharko dute ikasle zaurgarriak eskolatzeko. Prozesua progresiboa izango da, ikasturtez ikasturte egingo da, eta ez du eragingo gaur egun eskolatuta dauden ikasleak ikastetxez aldatzea.
Matrikulazio prozesuko aldaketa nagusiak
1) Eskaintzaren plangintza. Onarpen prozesuan ikastetxe bakoitzean eskainiko den plaza kopuruaren irizpide nagusia izango da azpieskaintza eta gaineskaintza saihestea.
2) Plazen erreserba. Diru publikoarekin sostengatutako ikastetxe guztiek gorde beharko dute Hezkuntza Sailak zehaztutako plaza kopurua, ikasle zaurgarriak eskolatzeko. Plazen erreserba hori izena emateko epean eskaerak jaso ondoren ezarriko da. Erreserben ehuneko berdina izango da eragin-eremu bereko ikastetxe guztientzat.
3) Zaurgarritasun indizea. Ikastetxe bakoitzari erreferentziazko zaurgarritasun indize bat ezarriko zaio eragin eremuaren barruan. Eskaerak aurkezterakoan, familia guztiek haien egoera sozioekonomikoari buruzko inkesta bat bete beharko dute. Bildutako informazioa oinarri hartuta, zona bakoitzerako erreferentzia maila zehaztuko da, ikastetxe bakoitzean ikasle zaurgarrientzat erreserbatu beharreko plaza kopuruarekin.
4) Zonifikazioan ere doikuntzak egin dira, Haur Hezkuntzarako eta Lehen Hezkuntzarako. Esaterako, udalerri handietan, hiriburuetan izan ezik, hainbat eragin eremu izatetik eragin eremu bakarra izatera pasatu da.
5) Hurbiltasuneko eskolatzea. Baremoko irizpideetan dagoen aldaketarik esanguratsuena, etxebizitzaren hurbiltasunagatik gertatzen den puntuazioan dago. Puntuaziorik handiena eskuratuko da aukeratutako ikastetxea familiaren bizilekutik hurbilen dagoen ikastetxea (publiko zein itunpekoa) den kasuetan. Eragin eremu berberaren barnean hurbiltasuna saritzen duen neurria da.
6) Familiek ez dute ikastetxeak hautatzeko mugarik izango. Familia bakoitzak bere eragin eremuko ikastetxe guztiak hautatu ahal izango ditu seme-alabak eskolatzeko, edo beste eremu batzuetakoak, mugakideak izan edo ez. Garrantzitsua izango da familiek ahalik eta ikastetxe gehien hautatzea, dagokien ikastetxea ahalik eta gehien egokitu dadin euren interesetara.
Matrikula bizia
Matrikulazio prozesurako erabilitako irizpide eta printzipioak matrikula bizira ere hedatuko dira, hau da, behin ikasturtea hasita dela, eta ohiko matrikulazio ofizialetik kanpo gertatze den prozesurako. Horregatik, ikastetxeen artean dibertsitatea eta zaurgarritasuna modu orekatuan banatzea izango da irizpide nagusia kasu hauetan ere, eskolatze inklusiboa sustatuz. Ikastetxea familiaren etxetik hurbil egotea ere hartuko da aintzat.
Zure interesekoa izan daiteke
Adi Bilbo inguruko errepideetan, seik izena aldatu dute eta, A-8a barne
Gidariek eta nabigatzaileek izen berriekin ohitu beharko dute orain. Garai bateko Hegoaldeko saihesbideak BI-10 izena hartuko du, eta Txorierriko igarobidea BI-30 izango da aurrerantzean.
Osakidetzak asteon bukatuko du iraungitako dosia jaso zuten pertsonen birtxertaketa
Hexabalentearen kasuan, gaizki txertatutako 30 lagunetatik gehienek jaso dute dosia, eta bestela, gaur-biharretan izango dute. Tetrabalente eta hirukoitz birikoari dagokionez, asteon amaituko dutelakoan dago Osakidetza.
Tolosako inauterietan bigantxak izango dira azkenean
Gipuzkoako Aldundiak behin behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian kasuek gora egin ostean erabaki zuten Jaurlaritzak eta Nafarroako Gobernuak abelburuen mugikortasuna mugatzea eta behi erakusketak, idi probak eta sokamuturra bezalakoak debekatzen zituen agindua.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.
EH Bilduk iraungitako txertoen inguruan egindako ohartarazpena "sobera" zegoen, Osasun Sailaren ustez
Lore Bilbao Osakidetzaren zuzendari nagusiak ETB1eko "Egun On" saioan azaldu duenez, familiei "mezu argi bat" helarazi nahi zieten, eta, horretarako, txostenak eskatu zituzten. Horien zain zeudenean egin zuen EH Bilduk eman zuen auziaren berri. "10 egun lehenagotik baldin bazekiten, zergatik ez zuten ezer egin? Kasu honetan guk bagenekien, baina zer gertatuko litzateke jakin izan ez bagenu?", galdetu du.
Jaiotza kopurua % 0,1 jaitsi da berriro Euskadin, bi hiruhilekotan gora egin ondoren
Lurraldeka, urtebetean % 3,2ko hazkundea izan zen Araban, 547 jaiotzarekin; Bizkaian % 4,7 jaitsi ziren, 1.616 jaiotzarekin; eta Gipuzkoan % 5,5 igo ziren, 1.129 jaiotzarekin.
Bikotekidea hiltzea egotzita atxilotutako emakumea espetxera bidaltzeko agindu du epaileak
55 urteko emakumeak Basurtuko Ospitalean jarraitzen du eta sendagiria jasotzen duenean eramango dute espetxera.
Santurtzi eta Barakaldo arteko aldirietako tren-zerbitzua eten dute, matxura baten ondorioz
Santurtzitik Barakaldorako joan-etorrian dabiltzan tren guztiek Desertu-Barakaldo geltokitik hasi eta amaituko dute ibilbidea, eta erabiltzaileek autobus zerbitzua izango dute helmugara iristeko.
Ostalaritza Eskola izango da Gipuzkoan, 2027tik aurrera
Euskadiko laugarren ostalaritza-eskola izango litzateke, Leioa, Galdakao eta Gamarrako eskolekin batera. Hezkuntza Saila Donostiako Udalarekin lanean ari non kokatu ebazteko.