Eusko Jaurlaritzak Haur Hezkuntzan plazak gordetzea onartu du, ikasle zaurgarrienen beharrei erantzuteko
Eusko Jaurlaritzak Onarpenari eta Eskolatzeari buruzko dekretu berri bat onartu du, 2 urteko geletan eta 3 urterekin eskolatzen hasten diren ikastetxeetan ikasle zaurgarrienak bereiztea saihesteko plazak gordetzea jasotzen duena. Gobernu Kontseiluak atzo onartu zuen dekretu hori, eta 2023-2024 ikasturtetik aurrera jarriko da indarrean.
Jokin Bildarratz Hezkuntza sailburuak, Begoña Pedrosa sailburuordearekin batera, dekretu berri horren berrikuntza nagusien berri eman du. Helburua "hezkuntza-laguntzako premia espezifikoak" dituzten ikasleen eskolatze orekatua lortzea du dekretuak, arrazoi sozioekonomikoengatik edo beste mota batekoengatik ikasleak bereiztea saihesteko.
Bildarratzek azaldu duenez, neurri horrekin "aniztasuna eta zaurgarritasuna modu orekatuan banatu nahi ditugu Euskal Hezkuntza Zerbitzu Publikoa osatzen duten ikastetxe guztien artean".
Premia horiek hautemateko, Hezkuntza Sailak Irakas Sistema Ebaluatu eta Ikertzeko Erakundeak (ISEI-IVEI) diseinatutako kalteberatasun-indizea erabiliko du. "Sortutako tresna horrek ikasle zaurgarrienak identifikatuko ditu, eta, informazio horrekin, ikastetxe bakoitzean erreserbatuko diren plazen ehunekoa zehaztuko da", gaineratu du.
Prozesu hori 3 ikasturtetan zehar garatuko da, aurreko sistematik sistema berrirako trantsizioa progresiboa izan dadin, eta sailburuaren arabera, ikastetxe bati ere ez zaio eskatuko lehen mailan 10 puntu baino gehiagoko ahalegina egitea.
Prozedura
Bildarratzen esanetan, aurrematrikula egiteko unean, familiek ikasleek diagnostiko-ebaluazioetan bete ohi duten galdera-sortaren antzekoa beteko dute, indize sozioekonomikoa eta kulturala zehazteko balio duena.
Informazio horri esker, ISEI-IVEIk zehaztuko du Euskadin 2 urteko geletan plaza eskatu duten ikasle kalteberen kopurua. "Ikastetxe bakoitzean zenbat plaza gorde behar diren zehazteko lehen urratsa da", esan du.
Era berean, plazez gain, Jokin Bildarratzek zuzentzen duen Sailak benetako eskolatze-beharretara egokituko du plazen eskaintza: "Ez da ez gaineskaintzarik, ez azpieskaintzarik egongo. Ikastetxeek ezin izango dute aurkezten duten eskaintza puztu, ezta eskaini beharreko plazak artifizialki murriztu ere", adierazi du.
Dekretu berriak jasotzen du, halaber, hurbiltasun-baremoan 7 puntu emango zaizkiola hurbileneko ikastetxeari. "Bere eragin-eremuko zentro bat aukeratzeagatik 5 puntu emateaz gain, etxetik hurbilen duen ikastetxea bada, puntuazioa handiagoa izango da: 7 puntu (2 puntu gehiago)", azaldu du.
Gainera, matrikula-eskabidean ikastetxe kopurua mugagabea izango da. "Familiek, lehentasun ordenan, nahi dituzten ikastetxe guztiak hautatu ahal izango dituzte, aukera-mugarik gabe", esan du.
Bestalde, haurdunaldiaren 28. astea baino lehen jaiotako haurren kasuan, garaia baino lehen jaio direla jotzen da; eta, beraz, jaiotza 32. astea baino lehen izan bada, garaia baino lehen jaio direla uste da. Kasu horietan, familiak ikasturte bat geroago matrikulatzeko eskatu ahal izango du.
Azkenik, Bildarratzek nabarmendu duenez, Euskadiko gizartea "asko aldatu da azken urteetan, eta errealitate sozial hori ere hezkuntza sistemara eraman behar dugu".
Zure interesekoa izan daiteke
Elkarbizitza arazoak bainularien eta erabiltzaileen artean Euskal Herriko portuetan
Uretara salto egitea ohikoa da Euskal Herriko portuetan, debekatuta dagoen arren. Hori dela eta, bizikidetza-arazoak sortzen ari dira. Zenbait portutan jokabide arriskutsuak ikusten dira eta kalteak izan dira ontzietan. Eusko Jaurlaritzak egoeraren larritasunaz ohartarazi du, eta 2.000 eta 12.000 euro arteko isunak ezar daitezkeela gogoratu du.
Euri eskasiak hilabete eta erdi aurreratu du transhumantzia Nafarroan
Pirinioetatik Bardearako bidean, Enrique Ballent artzain transhumantearekin izan gara. 1.800 buruko artaldea gidatuko du, bazka bila. Izan ere, klima aldaketaren kontraesanak tarteko, jateko gehiago dago basamortuan goi mendietan baino.
Oiartzunen ustez pistolarekin egindako hiru lapurreten egilea atxilotu dute Hondarribian
23 urteko gaztea espetxeratu egin dute. Lapurretetan erabilitako arma fogeo-pistola bat zela egiaztatu dute.
Gizon bat atxilotu dute Getxon, kalean emakume bati sexu erasoa egiten harrapatu ostean
Erasoa 05:00etan jazo da, Algorta auzoan, San Inazio jaietan. 19 urteko biktima Gurutzetako Ospitalera eraman dute. Algortako Mugimendu Feministak eraso matxista salatzeko bilkura egin du igande arratsaldean.
Auroroek Andre Maria Zuriaren jaien etorrera iragarri dute
Urtero bezala, Gasteizko hirigunea eta Alde Zaharra zeharkatu dituzte zaindariaren omenezko kantuekin, jai-giroari hasiera emanez.
Testigantza berriek agerian utzi dituzte Mitikako zaindariek Kerman Villate hil aurretik behin eta berriz egindako erasoak
Gasteizko diskoteka horretako segurtasun-langileek Kerman hil aurreko hilabeteetan egindako eraso jakin batzuen berri eman dute lau gaztek Radio Euskadin, esklusiban, erreportaje batean. Kasu guztiak Ertzaintzaren aurrean salatu zituzten.
Bizkaiko Aldundiak zisterna kamioiak eramango ditu Karrantzara ur hornidura bermatzeko
Astelehenetik ostiralera, 250 metro kubiko garraiatuko ditu egunero foru erakundeak Enkarterriko udalerriko hornidura bermatzen laguntzeko.
17 urteko gizonezko bat atxilotu dute Gipuzkoan, adingabeak estortsionatzen zituen 764 Sarearen Espainiako buruzagitzat jota
Ertzaintzak, Esquadra Mossoek eta Guardia Zibilak elkarlanean egindako operazioan atxilotu dute, 2026ko urtarrila eta apirila bitartean ikastetxeen, udalen eta beste erakunde batzuen aurkako mehatxu ugari bidali izana egotzita.
Ikuskizunetako teknikariek abuztuaren 5erako deitutako grebarekin bat egingo dute Gasteizko txosnek
45 ikuskizun izango dira txosnetan, eta, horrez gain, beste hamaika proposamen kolektibo ezberdinen eskutik. Dozenaka kolektibok eta ehunka boluntariok dihardute egunotan auzolanean txosna gunea egokitzen. Testuinguru horretan, ikuskizunetako eta ekitaldietako teknikariek abuztuaren 5erako deitutako greba egunarekin bat egingo dute.
Motor gidari bat hil da Lezon izandako trafiko istripu batean
Istripua GI-3440 errepidean gertatu da, Lezon, 18.00ak aldera. Osasun arloko langileak bertaratu dira, baina ezin izan dute suspertu, eta hil egin da. Istripuaren ondorioz, zirkulazioa eten egin behar izan dute bi noranzkoetan. Gertatutakoaren nondik norakoak ikertzen ari dira.