Euriak ez du danbor-hotsa isiltzea lortu bi urteko geldialdiaren ondotik: Gora San Sebastian Eguna!
Danbor eta upel hotsak nagusi dira berriro ere San Sebastian Egunean. Azken orduetan begirada guztiak eguraldian jarrita izan badira ere, ez hotzak ez euriak ez dute danborrak eta upelak jotzeko gogoa gelditu, batez ere bi urteko geldialdi behartuaren ondotik.
00:00etan puntuan, Konstituzio Plazan ohikoa den Banderaren Igoerarekin eta Raimundo Sarriegiren martxaren doinuekin hasi da 2023ko Danborrada, donostiar askorentzat urteko egunik garrantzitsuena. Jaia bertatik bizitzerik ezin duenak aurten ere abagunea du Internet bidez zuzenean jarraitzeko, eitb.eus atarian.
Elkarte gastronomikoetako bazkide hainbatek, eta familia askok, baina, ordu batzuk lehenago hasi dute jaia, San Sebastian bezperako afari tradizionalarekin.
Inoizko San Sebastian egunik jendetsuena da. Guztira 158 danborradak hartuko dute parte Gipuzkoako hiriburuko auzoetan zehar egingo diren danborradetan, horietako zazpi berriak. Danborrada mistoak % 94,30a izango dira; gizonezkoenak, berriz, % 5 dira. Emakumeek osatutako danborrada bakarra irtengo da.
Danborradetan parte hartuko duten 20.411 pertsonetatik, 9.181 emakumeak dira (% 45), eta 11 228 gizonak (% 55). 2020an 19 004 pertsonak parte hartu zuten, % 42,72 emakumeak eta % 57,28 gizonak.
Gaur egingo den Haur Danborradan, berriz, 41 eskolatako 4.731 haurrek desfilatuko dute Donostiako kaleetan zehar, Sarriegiko Martxaren doinuekin. Desfilea 12:00etan hasiko da Alderdi Ederretik. Euria eginez gero, haurren danborrada igandean egingo da, baina erabaki hori gaur bertan hartuko du Udalak.
Danbor hotsak beste herri batzuetan
San Sebastian eguna ez da Gipuzkoako hiriburuan bakarrik ospatzen. Azpeitiak, Lakuntzak eta Tafallak ere egun handiak dituzte aurretik, egitarau zabalarekin. Azpeitian helduen danborradarekin hasi da festa gauerdian.
Goizean, eguraldiak laguntzen badu bederen, haur danborrada egingo da. Berrikuntza gisa, Pantxoa eta Peioren "Batasuna" pieza jo dute da lehen aldiz danborradan.
Lakuntzan eta Tafallan ere ospakizunak dira, eta Lakuntzara zein Tafallara danborradak itzuliko dira.
Albiste gehiago gizartea
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.