Orkoiengo talde bortxaketagatik zigorrak murriztu ditu Gorenak, 'bai bakarrik da bai' legea aplikatuta
Auzitegi Goreneko Zigor Arloko Aretoak 8 eta 13 urte arteko espetxe zigorra ezarri die hiru gizoni, 2019ko azaroan Orkoiengo (Nafarroa) parke batean desgaitasun psikikoa duen neska bat bortxatzeagatik, eta neurri batean murriztu ditu 10/2022 Legea, 'bai bakarri da bai' legea, aplikatzean.
Epaiaren arabera, akusatuetako bat sare sozialetan harremanetan jarri zen biktimarekin eta hitzordua egin zuen Orkoienen. Sententzian irakur daitekeenez, orduan 23 urte zituen emakumeak akusatuetako batekin sexu harremanak izatea onartu zuen. Ondoren, ordea, akusatuetako bik sexu erasoa egin zioten bere borondatearen aurka.
Lehen instantzian Nafarroako Probintzia Auzitegiak 17 eta 16 urteko kartzela zigorrak ezarri zizkien hiru akusaturi: bi auzipeturi 17 urte —9 urte sexu erasoarengatik eta zortzi urte besteak egindako sexu eraso delituaren beharrezko laguntzaile izateagatik— eta hirugarrenari 16 urte —beste bi sexu erasoren beharrezko laguntzaile izateagatik—. Halaber, beste bi pertsona bi errugabetzat jo zituen.
Nafarroako Justizia Auzitegi Nagusiak Probintzia Auzitegiaren epaia berretsi zuen. Horren arabera, hiru auzipetuek 100.000 euroko kalte ordaina eman beharko diote biktimari,
Orain, Auzitegi Gorenak partzialki onartu ditu hiru kondenatuen helegiteak, eta 8 urtetik 4 urtera murriztu ditu sexu erasoaren laguntzaile izateagatik ezarritako zigorrak.
Gauzak horrela, Auzitegi Gorenak 13na urteko espetxe zigorra ezarri die bi gizoni, sexu erasoarengatik eta besteak egindako delituaren beharrezko laguntzaile izateagatik, eta zortzi urtekoa hirugarrenari bi sexu eraso delituren beharrezko laguntzaile izateagatik.
Zure interesekoa izan daiteke
21 urteko gizonezko bat atxilotu dute Gasteizen bikotekideari eraso egitea eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Liztor asiatikoa, espezie inbaditzaile eta kezkagarria
Bi aste eskasetan hiru pertsona hil dira Galizan liztor asiatikoaren ziztadez. Horrek espezie inbaditzaile honekiko kezka areagotu egin du Euskal Herrian ere. Zer egin beharko genuke liztor asiatikoaren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu honen aurrean.
Taldean egindako eraso faxista eta LGTBIfobiko bat salatu dute Gorraitzeko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak Eguesibko Udalaren isiltasuna kritikatu du, irailean gertatutako erasoaren aurrean.
Motor-gidari bat hil da Lemoizen gertatutako trafiko-istripu batean
Istripua gertatu den BI-3152 errepidea itxita dago, eta Ertzaintzak izapideak ireki ditu arrazoiak argitzeko.
Sarrigurenen atxilotutako gizona espetxeratu dute, adingabe bati sexu-erasoa egiteagatik
Fiskaltzak behin-behineko espetxeratzea eskatu du, komunikatua eta fidantzarik gabea, 16 urteko adingabe bati penetrazioarekin egindako sexu-eraso (bortxaketa) delitu batengatik.
Hizkuntza Ofizialen Kontseilu berria eratu da, "forma eta funtsa" aldatuta
Osaera berria izango du, eta berritasun nagusienetako da kontseilura batuko direla autonomia erkidegoetako hizkuntza politiketako ordezkariak.
Lagun bat ospitaleratu dute Gasteizen, patinetea lehertu eta kea arnasteagatik
Ibilgailuak lokal baten barruan egin zuen eztanda, eta jabeek bateria bertatik atera eta su-itzalgailu batekin busti zuten, suhiltzaileak iritsi aurretik.
Gizon bat atxilotu dute bikotekide ohia hiltzea leporatuta, Huelvan
47 urteko emakumezko biktimaren lankideek horren gorpua aurkitu zuten, indarkeria zantzuekin, lan egiten zuen eta bizi zen nekazaritza-lursailean bertan. Emakumearen alabak joan den astean Guardia Zibilari jakinarazi zionez, atxilotuak ama mehatxatu egin zuen, beste pertsona batekin ezkonduko zela iragarri ondoren.
Gabonetako trena, gaueko lasterketa eta mahai-futbol txapelketa: Bilboko metroak 30 urte bete ditu, eta ospatzen dabil
Bilboko metroak hiru hamarkada beteko ditu aurten, eta kontzertuak, zozketak eta dekorazio bereziak egingo ditu, baita Gabonetako trena, futbolin-txapelketa eta Underrun gaueko lasterketa ere.