Kataluniako mugimendu independentistetan infiltratutako poliziaren auziagatik azalpenak eskatu ditu Colauk
Kataluniako mugimendu sozialetan ustez infiltratutako poliziaren auziagatik azalpenak eskatu ditu Ada Colau Bartzelonako alkateak Fernando Grande-Marlaska Barne ministroari. "Arrazoi politikoengatik, mugimendu sozial demokratikoak kriminalizatzen dituzten polizia-operazioek gure gaitzespenik handiena merezi dute, eta erantzun arin eta irmoa", adierazi du Colauk ministroari helarazitako eskutitzean.
El Español kazetak zabaldu duenez, polizia infiltratua enbaxada batera bidali dute, "kritika eta gaitzespenengatik babesteko helburuz".
Aste honetan La Directa kazetak argitaratutakoaren eta Gara kazetak jasotako arabera, agente horrek hiru urte eman zituen Bartzelonan, independentziaren aldeko mugimenduetan sartuta, informazioa eta kontaktuak lortzeko helburuz. Sexu- eta amodio-harremanak izan zituen gutxienez zortzi emakumerekin.
Haietako bostek polizia horren aurkako salaketa aurkeztu dute, "sexu-erasoak, torturak edo integritate moralaren aurkakoak eta sekretuak ezagutaraztea" delituak egotzita. Adierazi dutenez, polizia zela jakin izango balute, ez lukete berarekin harremanik izango. Hortaz, harreman horiek izateko "baiezko libre eta informatua" eman ez zutela argudiatu dute emakumezko ekintzaile horiek.
Galdeketa Kongresuan
Bestalde, Pilar Calvo Juntseko bozeramaileak Kongresuko Berdintasun Batzordean galdera batzuk erregistratu ditu. Infiltratutako poliziaren auzia "sexu-indarkeria instituzionala" ote den argitzeko eskatu dio Berdintasun Ministerioari, "Estatuko agente gisa jarduten zuen poliziak harremanak izan zituelako salaketa aurkeztu zuten bost emakumeekin, eta bere nagusiei jakinarazi behar zielako egindakoa, horien ustezko oniritziarekin, gainera".
Gainera, Josep Pages Juntseko bozeramaileak beste galdera bat izapidetu du: "10.000 eta 20.000 arteko hileroko soldatarekin, enbaxada baten lanpostu pribilegiatu batekin horrelako jokaera izan zuen pertsona bat saritzea merezi duela uste du Espainiako Gobernuak?".
Zure interesekoa izan daiteke
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak islatzen du Guggenheim Museoa Urdaibain zabaltzerik "ez" dela nahi, baina eskualdeko garapenari begi onez begiratzen zaiola utzi du agerian
Herritarren artean entzute-prozesua gidatu duen Agirre Lehendakaria Centerrek azaldu duenez, "hasierako narratiba" horien zati handi bat "beste joera bat" hartu du hilabeteetan zehar. Izan ere, Urdaibaiko Guggenheimen aurkako iritziak jaso dira, baina baita eskualdearen garapenaren aldeko jarrerak ere.