Gizon bat oso larri zauritu dute arma zuriz egindako eraso batean, Gasteizen
Gizonezko bat oso larri zauritu da Gasteizen, arma zuriz izandako eraso baten ostean, Ertzaintzako iturriek jakinarazi dutenez. Gainera, beste lau lagun zauritu dira (emakumezko bat eta hiru gizon), baina onik daude.
Ertzaintzak 21 urteko gizon bat atxilotu du, erasoa egotzita, eta ikerketa abiatu du gertatutakoa argitzeko.
Jazoera igande goizalde honetan gertatu da, La Florida zonaldean kokatutako diskoteka batean. Hainbat pertsonen arteko borroka izan da. Ustezko erasotzaileak arma zuria atera du, eta bost lagun zauritu ditu, horietako bat, oso larri. Txagorritxu Ospitalera eraman dute gizona, eta beste zauritu arinak, berriz, Santiago Ospitalera.
Ertzaintza erasotzailearen bila hasi da, jazoeraren ostean, dantzalekutik ihes duelako. Handik gutxira, aurkitu eta atxilotu dute. 21 urteko gizonezkoari hilketa saiakera eta lesio delitua egotzi dizkiote, eta polizia-etxera eraman dute dagozkion izapideak egiteko.
Gorka Urtaran Gasteizko alkateak "erabat" gaitzetsi du erasoa. "Gure hirian ez dute lekurik ez indarkeriak, ez indarkeria praktikatzen duten pertsonek. Gure babes osoa biktimei", idatzi du alkateak sare sozialetan.
Alderdi Popularrak neurriak eskatu ditu
Bestalde, Ainhoa Domaica Gasteizko Udalerako PPko alkategaiak "premiazko segurtasun neurriak" eskatu ditu, dantzaleku horretan izandako erasoaren harira, eta arma zuriz egindako eraso kopurua "asko handitu" dela kritikatu du.
"Ez du balio bakarrik erasoa gaitzestearekin eta Gasteizen horrelakorik ez dela onartzen esatearekin. Oso larria da, eta Urtaranek eta Etxebarriak ezin dute jarraitu ezer gertatuko ez balitz bezala. Konponbideak nahi ditugu. Gasteizko Alderdi Popularretik premiazko segurtasun neurriak eskatzen dizkiegu EAJri eta PSOEri handitzen doan arazo honekin bukatzeko", gaineratu du Domaicak.
Zure interesekoa izan daiteke
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.