Osakidetzak eta sindikatuek elkarri leporatu diote negoziatu nahi ez izatea
Osasun Sailak eta sindikatuek elkarri leporatu diote Osakidetzako langileen lan-baldintzei zuzenean eragiten dieten gaiak negoziatu eta adostu nahi ez izatea, eta, horren ondorioz, ezin izan da berriro mahai sektorialaren bilerarik egin.
Sindikatuak mahai sektorialaren bilera batera deituta zeuden gaur, larunbatean EAEko hiru hiriburuetan mobilizazioak egin ostean, sistemaren desegitea salatzeko. Gotzone Sagardui Osasun sailburuak ukatu egin zuen hori, profesional sanitarioen faltari erreferentzia egin baitzion, eta esan zuen ez dela arazo bat, ez diru ez lan-baldintzen aldetik.
Satse, ELA, LAB, SME, CCOO eta UGT sindikatuek mahai sektorialetik alde egin dute, berriro, zerbitzu publiko horren zuzendaritzak "plantillak dituen arazo larrien konponbidean aurrera egiteko borondaterik ez" duela iritzita.
Sindikatuek berretsi dutenez, larunbateko manifestazioek argi eta garbi islatu zuten "langileen eta herritarren aldarria osasun publikoa desegitearen eta hondatzearen aurka".
Era berean, deitoratu egin dute Osakidetzak "itsu eta gor" jarraitzea eta egindako eskaerei jaramonik ez egitea, "urrian mahai horretatik altxatzea eragin zuten arrazoietatik aldendu gabe".
Hori dela eta, sailburuak jakin badaki sindikatuek ez dutela foro horretara jotzen "benetako negoziaziorik ez dagoelako eta existitzen ez den negoziazio bat antzezteko asmoa dagoelako".
"Osakidetzak benetako negoziazioari bizkarra ematen jarraitzen du, akordioak lortzeko inolako borondaterik erakutsi gabe", ondorioztatu dute.
Osasun Sailak sindikatuen jarrerari erantzunez zabaldutako ohar batean aurpegiratu dietenaren arabera, "ez dute benetako interesik Osakidetzako langileen baldintzei zuzenean eragiten dieten gaiak negoziatzeko eta adosteko".
Ildo horretan, adierazi du karrera profesionalaren dekretua gaurko gai-zerrendan zegoela, ez erretiratzea, sindikatuek eskatzen duten bezala, baizik eta lantalde bat sortzea hori negoziatzeko, eta beste bat abian jartzea, kolektibo profesional jakin batzuentzako % 4ko soldata osagarriari buruzkoa lantzeko.
"Hala eta guztiz ere, sindikatuak ez dira bilerara joan. Jarrera horrek erakusten du sindikatuak mugitzen ari diren interesen artean Osakidetzako langileek ez dutela lehentasuna", adierazi du Osasun Sailak.
Hala ere, Sailak lanean jarraitzeko asmoa du plantillari eragiten dioten gaietan "elkartze, negoziazio eta akordiorako esparruak" bultzatzeko, betiere horretarako sortutako negoziazio-esparruaren barruan, hau da, mahai sektorialean.
Zure interesekoa izan daiteke
Gizon batek bikotekidea hil du Pontevedran eta bere buruaz beste egin du ondoren, atxilotu aurretik
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Gizona etxebizitza batean gotortu da eta Guardia Zibila berarekin negoziatzen aritu da arratsalde osoan, entregatu zedin, baina bere buruaz beste egin du azkenean.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.