2.500 migratzaile erreskatatu dituzte asteburuan, Europar Batasuneko kostaldera iristen saiatzen ari zirela
2.500 migratzaile inguru erreskatatu dituzte asteburuan Mediterraneo itsasoko eta Ozeano Atlantikoko uretatik, Europar Batasunera heldu nahian.
2.000 baino gehiago aurkitu dituzte Jonikoan eta Mediterraneoan, Italiako agintariek jakinarazi dutenez. Bi ontzi arriskuan daude oraindik. Italiako kostazainek zehaztu dutenez, 974 pertsona iritsi dira Lampedusa uhartera, tamaina txikiko txalupetan, eta horietako asko adingabeak dira.
Horrez gain, 800 migratzaile zeramatzan arrantza ontzi bat atzeman dute Sirakusatik 120 miliara, eta beste 400 migratzaile Capo Passero uhartetik gertu daude, erreskatatuak izateko zain.
Aurretik, agintariek adierazi dute Lampedusako migratzaileak hartzeko zentroa gainezka dagoela, 1.883 migratzaile dituelako, 400 pertsona hartzeko diseinatu zen arren.
Bestalde, Resqship gobernuz kanpoko erakunde alemaniarraren arabera, igandean bi pertsonaren gorpuak atera zituzten uretatik Maltako kostaldean.
Espainiako kostaldeari dagokionez, 389 etorkin iritsi dira Kanarietara, Andaluziara, Murtziara eta Balearretara asteburuan.
Erreskate handiena, larunbatetik iganderako gauean, Lanzaroten lehorreratu zituzten 145 migratzaileena izan zen. Andaluzian, 166 etorkin erreskatatu dituzte: 93 Motrilen eta 73 Almerian.
Albiste gehiago gizartea
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Sutea piztu da Gasteizko LEA fabrikan, eta ke-zutabe handia eragin du
Gamarrako industrialdeko enpresa guztiak hustu dituzte, eta ez da inor zauritu. Gasteizko Udalak etxetik ez ateratzeko eskatu die Abetxuku eta Arriaga auzoetako bizilagunei.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.
Etxebizitza da EAEko herritarren kezka nagusia
Osasunarekiko kezkak behera egin du azken sei hilabeteetan, baina bigarren arazorik garrantzitsuena da (% 36), bizitzaren kostuaren aurretik (% 34). Bestalde, herritarrek 10etik 4,7ko nota jarri diote Imanol Pradales buru duen Eusko Jaurlaritzaren lehen urteari.
174 urteko espetxe zigorra eskatu dute Zizurko institutuko komunetan emakumeak grabatu zituen irakaslearentzat
Probintzia Auzitegian epaituko dute, haurren intimitatearen aurkako delitua eta haur pornografia delitua egotzita, hainbat hilabete ikertzen eman eta gero; guztira, 41 biktima izan dira.
700 pisu turistiko kentzeko exijitu dio Eusko Jaurlaritzak Airbnb plataformari
Uztailaren 1ean, etxebizitza turistikoen erregistro bakarra sartuko da indarrean. Javier Hurtadok ohartarazi duenez, nahitaezko erregistro-zenbakiak sartu ezean, jarduera etetera behartuko dituzte.