Dobaran: "Legelariak euskarari buruzko epaiak aztertzen ari dira hemendik aurrerako bidaia orria ezartzeko"
Miren Dobaran Eusko Jaurlaritzako Hizkuntza Politikarako sailburuordeak "kezkatuta eta harrituta" dagoela aitortu du epaitegiek euskararen inguruan emandako epaiekin —lau izan dira 2023a abiatu zenetik—, eta jakinarazi du legelari talde bat osatu dutela epaiok aztertzeko eta "hemendik aurrerako bide-orria zehazteko".
Kontratazio publikoak egiteko irizpideak jasoko dituen eskuliburu bat osatzea da helburua, eta baita daukagun legedia ondo dagoen aztertzea ere, "ahulguneak badaude erabaki politikoak hartzeko", azaldu du Euskadi Irratiko "Faktoria" saioan egin dioten elkarrizketan.
Dobaranen hitzetan, oraindik ez dute erabaki eskola garraioaren epaiaren kontra helegitea aurkeztu ala ez, eta "erabaki politikoa" dela erantsi du.
Euskara sustatzeko ekintza plan berria lantzeko "une egokia" dela azpimarratu du sailburuordeak, eta Eusko Legebiltzarraren "adostasun zabala" jasoko duelakoan dago. Horren ildoan, esan du euskal gizartea ari dela eskatzen "beste pauso bat emateko", euskararen erabilerak beste esparru batzuk hartzeko, alegia. Besteak beste, kirola, aisialdia, inguru digitala eta eremu pribatua aipatu ditu Dobaranek. "Jauziak koordinatua izan behar du, hori bai", esan du.
Azkenik, lan eskaintza publikoetan euskararen ezagutza frogatzekoa titulazioarekin "lotuegi" dagoela uste du, eta duela 30 urteko egoera bera ez dela sinistuta, "beste bide batzuk zabaldu" behar direla erantsi. "Euskaraz lan egiten frogatzen da gaitasuna. Naturaltasun osoz. Euskaraz ikasi badugu ez dugu titulurik beharko, gazteleraz egiten den bezala", nabarmendu du.
Zure interesekoa izan daiteke
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Gizon batek bikotekidea hil du Pontevedran
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Guardia Zibila gizonaren bila ari da atxilotzeko.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.