Bi lagun atxilotu dituzte Getxon, estanko bati 7.500 euroko iruzurra egiten saiatzeagatik
Ertzaintzak bi pertsona atxilotu ditu Getxoko estanko bati iruzur egiten saiatzeagatik, Ertzaintzak berak ohar baten bidez jakitera eman duenez. Partikular batek, beste pertsona baten nortasuna erabilita, 7.500 euro inguruko tabakoa enkargatu eta ordainketa faltsua egin zuten estanko batean.
Joan den ostegunean, hilak 11, Getxoko ertzain-etxeak jakin zuen herri horretako estanko bati iruzur egiten saiatu zitezkeela. Antza denez, partikular bat establezimendu horrekin harremanetan jarri zen 7.500 euro inguruko tabako-eskaera egiteko, ustez festa pribatu baterako, eta garraiolari bat salgaia biltzeaz arduratuko zela adierazi zion. Informazio horren aurrean, Ertzaintzak jarraipena eta zaintza egiteko dispositibo bat ezarri zuen.
Enkarguaren egileak, ostiralean, tabakoagatik adostutako zenbatekoaren transferentziaren bankuko frogagiriaren argazki bat bidali zion estankoaren jabeari, telefono mugikorrera. Ondoren, egun horretako arratsaldeko ordu bata aldera, ustezko garraiolari bat agertu zen establezimenduan, aurpegia maskara batekin estalita, eskaera jasotzeko.
Une horretan, zaintza-operatiboko agenteek esku hartu zuten, eta susmagarria atxilotu zuten. Era berean, beste gizon bat ere atxilotu zuten, furgoneta batean bere zain zegoelako handik gertu. Aldez aurretik, egiaztatu zen ez zela inolako diru-sarrerarik egin tabako-saltzailearen banku-kontuan, eta, beraz, ustez egindako transferentzia faltsua zela.
Gainera, enkargua egin zuenak beste pertsona baten nortasuna erabili zuela egiaztatu ahal izan zen. Jakin ahal izan zenez, gizon horrek NANa galdu zuen 2019an, eta, ordutik, hainbat delitu-egitate egin dira bai Euskadin, bai Estatuko beste toki batzuetan, bere nortasuna erabiliz. Ertzaintzak ikertzen jarraitzen du, iruzurra egiteko nortasun hori ordezkatu zuen gizona identifikatu eta atxilotzeko.
31 eta 27 urteko atxilotuek aurrekari polizial ugari dituzte. Izan ere, gazteena hirugarren graduko espetxe-egoeran dago.
Albiste gehiago gizartea
Karabela portugesa gorabeherak eragiten ari da Euskal Herriko hondartzetan
Donostiako Zurriolan eta Kontxan, eta Bizkaian Bakioko hondartzan atzeman dituzte. Itsas korronteen eta haizearen ondorioz iritsi ohi dira bizidun horiek itsasertzera, eta zenbaitetan horien ziztadak arriskutsuak izan daitezke.
Froga gizarteko albistea itxasorekin
Froga gizarteko albistea sarreatxoa Froga gizarteko albistea sarreatxoa
Albiste izango dira: Andre Maria Zuriaren jaiak, abisu horia beroagatik eta enpleguari buruzko datuak
Gaurkoan albiste izango direnen laburpena, bi hitzetan.
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.