Bildarratz: "Giro politikoa edozein izanda ere, Hezkuntza Legea adosteko oinarria oso sendoa da"
Hezkuntza lege-proiektuaren inguruko eztabaida abian da Eusko Legebiltzarreko Hezkuntza Batzordean, eta atzo alderdien arteko ezadostasunak agerian geratu ziren berriro. EAJren gobernukide den PSE-EEk bere babesa jarri zuen zalantzan, berriz ere, arauak jasotzen duen hizkuntzen eredua aipatuz. Horren inguruan galdetuta, garrantzia kendu nahi izan dio eztabaidari Jokin Bildarratz Eusko Jaurlaritzako Hezkuntza sailburuak. "101 artikulu ditu legeak, eta artikulu jakin batean egon daitezkeen ezadostasunek ezin dute proiektua hautsi", zehaztu du.
Horrez gain, hauteskundeen ondorengo negoziazio betean tentsio politikoa areagotu den honetan —bereziki, EAJ eta EH Bilduren artean—, Bildarratzek esan du ez duela uste horrek legearen lanketa zapuztuko duenik. Horren ustez, arauaren zirriborroa marrazten hasi zirenetik, argi geratu zen "giro politikoa edozein dela ere", horren "gainetik egon behar zuela lege honek". Hala, sailburuak berretsi du "herri proiektu bat eta etorkizuneko proiektu bat" dela Hezkuntza Legea, eta epe luzera begira landu behar dela. "Oinarri oso sendoa dago EAJren, EH Bilduren eta baita PSE-EEren artean ere, akordio zabal bat adosteko", gaineratu du.
Euskadi Irratian egindako elkarrizketan, PSE-EEk atzo egindako kritikei berriro erantzunez, sailburuak nabarmendu du hizkuntza-ereduak ez direla helburu, tresna baizik, eta irteera profilean jarri du azpimarra. Alegia, ikasle guztiek DBH amaitutakoan izan beharko duten gaitasuna hiru hizkuntzatan (euskara, gaztelania eta atzerriko hizkuntza). Horretarako, halaber, ikastetxe bakoitzak tokian tokiko egoera soziolinguistikora egokitzeko egin beharko duten plangintza da gakoetako bat, horren esanetan.
Bestalde, segregazioari aurre egiteko irizpide berriek datorren ikasturterako matrikulazioan sortu dituzten arazoei buruz ere aritu da. Konpontzeko eta bideratzeko ertzak izan arren, matrikulazioa "modu orekatuagoan" egin dela esan du, eta sortu diren arazoak konpontzeko "borondate osoa" agertu du.
Doakotasunaz ere galdetu diote Bildarratzi, Hezkuntza Legearen beste gakoetako batez. Lege guztiek bezala, doakotasunaren "kalkulu ekonomikoa" aurreikusita dutela esan du, baina behin legea onartzen denean, egoera ekonomikoaren araberako aurrekontua adostea beste pauso bat izango dela gaineratu du. Itunpeko ikastetxeek Jaurlaritzak ordaintzen dituen kontzeptuengatik ezingo dutela kobratu, eta, ezer kobratzekotan, gardentasun osoz jokatu beharko dutela azpimarratu du.
Datozen hilabeteotan korapilo asko askatu beharko dituzten arren, 2024-2025 ikasturterako lege berria indarrean egotea espero du Eusko Jaurlaritzako Hezkuntza sailburuak.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.