Ekainaren 28tik uztailaren 1era trafiko aldaketa garrantzitsuak aurreikusi dituzte Bilbon, Tourragatik
Frantziako Tourraren 110. edizioko lehen pedalkadek Bilbo dute irteera eta helmuga, eta horrek eragina izango du zirkulazioan.
Ekainak 28, asteazkena
Bilbon, ekainaren 28ko (asteazkena) arratsalde gauean hasiko dira trafiko aldaketak, kamioiak Etxebarria parkera iristearekin batera. Bertan, eremu teknikoa eta uztailaren 1eko (larunbata) 2023ko Frantziako Tourraren lehen etaparekin lotutako elementuak jarriko dituzte. Hori dela eta, Zumalakarregi Etorbideko sarbidea itxiko dute 20:00etatik 04:00etara (Guridi Musikaria eta Zabalbide artean).
Ekainak 29, osteguna
Ostegunean, hilak 29, taldeen aurkezpen ofiziala egingo dute Guggenheim Bilbao Museoaren zabalgunean. Abandoibarra Etorbidean (Jesusen Bihotzetik Uribitarteko
biribilguneraino) trafiko-mozketak 09:00etatik 23:00etara egingo dituzte. Aurreko egunean, ekainaren 28an, murrizketak egongo dira Abandoibarra etorbideko
erreietako batean, 18:00etatik 20:30era, gutxi gorabehera.
Bestalde, San Mames zabalgunearen perimetroan zirkulazioa etengo dute, arratsalde-gauez, logistika-kamioien eta irteeraren ardura duten muntaketa-ekipoen iritsieragatik. Hala, itxita egongo da larunbateko 17:30ak arte.
Ekainak 30, ostirala
Irteera neutralizaturako eta helmugarako hesia ostiraletik larunbaterako gauean jarriko dute, 00:00etatik 06:00etara gutxi gorabehera, eta, beraz, bi ibilbideetako
kaleek zirkulazio-murrizketak izango dituzte denbora horretan.
Uztailak 1, larunbata
Trafikoaren gaineko aldaketa handienak larunbatean, uztailak 1, izango dira, Grand Depart Pays Basque – Frantziako Tourreko lehen etapa, Bilbon hasi eta amaituko baita. Errepide nagusiak ibilgailuentzat itxita egongo dira, larrialdietako zerbitzuentzat izan ezik.
Trafiko-mozketak ordu tarteka ezarri eta antolatuko dituzte. Horrela:
• Bilborako San Mameseko sarbidea itxita egongo da 06:30etik 14:00etara.
• Artxandako tunelak, Txorierritik hasita, itxita egongo dira 06:30etatik 18:30era Ugaskorako bidean (Deusturako noranzkoan); Begoñatik, berriz, 24 ordu iraungo du mozketak (ekainaren 30eko 22:00etatik hilaren 1eko 22:00etara). Eta tuneletatik Salberaino (Errekalde Zumarkalerako noranzkoa), mozketa 08:30etatk 14:00etara egingo dute.
• Enekuriko sarbideak arian-arian itxiko dituzte 08:00etatik aurrera, eta 18:15ak aldera normaltasuna berreskuratuko da.
• Bilborako N-634 errepideko sarbidea Ibarsusi parean itxita egongo da 08:00etatik 22:00etara.
• Zumalakarregi Etorbidean zirkulazio-murrizketak egongo dira ostiraleko 22:00etatik, eta helmugaren azken ibilbidea erabat itxita egongo da, larunbateko 12:30etik uztailaren 2ko (igandea) 18:00etara.
Zure interesekoa izan daiteke
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Gizon batek bikotekidea hil du Pontevedran
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Gizona etxebizitza batean gotortu da eta Guardia Zibila berarekin negoziatzen ari da atera dadin.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.