Beroa eta ekaitz arriskua, asteburuan nagusi lurralde osoan
Tenperatura beroak jarraituko du datozen egunotan eta bero horren eraginez, hodeiak ugaritu eta ekaitza leher liteke toki askotan asteburu osoan zehar.
Euskal Autonomia Erkidegoan, ostirala ostarte eta laino ilunekin esnatu da, eta zaparradak botatzen ari da han-hemenka; askorik ez, nolanahi ere. Gaur termometroak ez dira 16 gradutik jaitsiko, eta beroenak 28-30 gradutik gertu izango dira ia denean.
Arratsaldean, bero-hodeiak garatu eta zaparradak bota ditzake, trumoitsuak ere izan daitezke. Haizea hego-mendebaletik ipar-mendebaldera aldatuko da, eta zeruak argitzera egingo du.
Eguraldia
Larunbata argi esnatuko da, goi-hodei batzuekin. Eguerdian, kostaldetik hasita, haizeak iparrera egingo du, baina barnealdean eta arratsaldean bero-hodeiak ugarituko dira eta zaparrada trumoitsuak bota ditzake. Tenperatura maximo zein minimoek behera egingo dute zertxobait.
Eguraldia
Igandean, zerua hodeitsu egongo da goizean goizetik, eta tantaren bat bota dezake ipar partean. Arratsaldean eta bereziki barnealdean, giroa nahasi egingo da eta zaparrada trumoitsuak bota ditzake; leku batzuetan, handiak izan daitezke, gainera.
Iparraldeko haize leunak beste koxkatxo bat jaitsaraziko ditu tenperaturak, eta beroenak 25 graduren bueltan izango dira.
Eguraldia
Nafarroan, abisu horia ezarri du gaur AEMETek, 12:00etatik 22:00etara, zaparrada mardul eta trumoi arriskuagatik. Nafarroa erdialdean eta ekialdean, Pirinio inguruan, izango da arrisku handiena; toki batzuetan, 15 litro pila litezke ordubetean.
Larunbatean, ostarte eta lainoak tartekatuko dira eta euria egin dezake, goizean ipar partean eta eguerditik aurrera Nafarroa erdialdean. Tenperatura beroenak 25 eta 28 gradu artean geldituko dira.
Igandea argi samar esnatuko bada ere, eguerditik aurrera euria egiteko aukera handiagoa izango da Nafarroa osoan.
Eguraldia
Ipar Euskal Herrian, goizak lasaiak izango dira asteburuan, eguzkitsu eta beroak. Gaur eta bihar, egunak laino eta ostarteekin igaroko dira, eta tenperatura beroenak 25 gradura iritsiko dira. Ostiralean bezala, larunbatean ere, arratsaldean, ekaitz arriskua areagotuko da, eta leku askotan zaparradak bota ditzake. Igande arratsean areagotuko da ekaitz arriskua, ekialdetik hasita, eta kostalderaino iritsiko da gauean.
Zure interesekoa izan daiteke
Mancisidor ararteko hautatu dute, EAJ, PSE-EE eta PPren babesarekin, eta EH Bilduren oposizioarekin
Bere aurrekoak, Manuel Lezertuak, ekainaren 19an formalizatu zuen karguari uko egin ziola, eta harrezkero Ines Ibañez de Maeztu, jarduneko arartekoa izan da.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.