Zientzialariek giza enbrioi sintetikoak sortu dituzte zelula amekin, obuluak edo esperma erabili beharrik gabe
Zientzialari talde batek giza enbrioi sintetikoak sortu ditu zelula amak erabiliz, obuluak edo esperma erabili beharrik gabe, aurrerapauso iraultzailea, desordena genetikoen ikerketan lagun dezakeena.
Erresuma Batuko The Guardian egunkariak gaur argitaratu duenez, zientzia eta ikerketa arloan aurrerapauso handia da, baina, aldi berean, dilema etikoak eta arazo legalak planteatzen ditu.
Erresuma Batuko eta Ameriketako Estatu Batuetako adituek diotenez, giza garapenaren fase goiztiarrenetan dauden enbrioi horiek, adibidez, behin eta berriro errepikatzen diren abortuen zergatia biologikoetan "leiho erabakigarria" zabaldu dezakete.
Egitura horiek ez dute bihotz latenterik, ezta garun bat osatzen hasteko ahalmenik ere, nahiz eta plazenta, zaku bitelinoa eta enbrioi bera osatzen jarraituko luketen zelulak izan.
"Zelulak birprogramatuz giza enbrioien antzeko ereduak sor ditzakegu", azaldu du Magdalena Zernicka-Goetz Kaliforniako (AEB) Teknologia Institutuko irakasleak, Zelula Amak Ikertzeko Nazioarteko Elkarteak Bostonen urtero egiten duen biltzar batean.
Orain ez dago epe laburrean enbrioi sintetiko horiek medikuntzan erabiltzeko perspektibarik, eta legez kanpokoa litzateke paziente baten umetokian jartzea.
Era berean, oraindik ez dago argi egitura horiek garapen-fase goiztiarrenetatik haratago heltzen jarraitzeko ahalmena duten.
Albiste gehiago gizartea
Egokitutako menuek betiko eraldatu dituzte eskoletako jangelak
Gero eta ohikoagoa da eskola-jantokietan ikasleek dieta bereziak behar izatea, erlijio-arrazoiengatik, intolerantziengatik, elikagai jakin batzuekiko alergiengatik eta bestelako osasun-arazoengatik. Gaur gaurkoz, EAEko ikastetxeetako jangeletan banatzen diren 8 menutatik 1 egokitutakoa da.
Milaka pertsona atera dira gaur kalera Hego Euskal Herrian, Palestinaren alde
Gasteizen, Bilbon eta Iruñean arratsaldeko zazpietan abiatu dira Palestinaren aldeko Borroka Eguna dela eta antolatutako mobilizazioak. Deialdia Gazarako Mugimendu Globalak eta Global Sumud Flotillak egindako nazioarteko ekimenari erantzunez gauzatu da, “Apur dezagun Gazako blokeoa. Defenda dezagun Global Sumud Flotilla” lelopean. Goizean ere, protesta egin dute Gasteizen, Legebiltzarraren kanpoaldean.
Komunitate palestinarrak genozidioaren aurkako manifestazioa deitu du asteazkenerako Zinemaldian
Palestina-Euskal Herria Elkartasun Batzordeak “The Voice of Hind Rajab” filmaren proiekzioa baliatuko du Israelen erasoa eta horren inguruko isiltasun “konplizea” salatzeko Donostiako kaleetan.
Donostiako masajistak ukatu egin ditu sexu-erasoen akusazioak
Fiskaltzak eta akusazio partikularrek 45 urteko kartzela-zigorra eskatu dute akusatuarentzat.
"Nahasmendu delirantea" diagnostikatu diote medikuek Kabiecesen 400 haur baino gehiago txertatu gabe utzi zituen erizainari
Epaiketaren laugarren egunean, auzipetua auzitegian aurkeztu da, baina deklaratzeko moduan ez dagoela onartu du.
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioa Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.