1.364 familiak jaso dituzte energia pobreziari aurre egiteko laguntzak Euskadin, lehen seihilekoan
Eusko Jaurlaritzak 1.364 familiari eman dizkie energia pobreziaren egoerari aurre egiteko laguntzak urteko lehen seihilekoan, Hitzartuz ekimenaren barruan.
Familiek bi modu dituzte laguntza jasotzeko:
- Txanpon-txartelak. Horiek Eroski, Mercadona eta Carrefour supermerkatuetan eta hurbileko saltoki txikietan erabili daitezke.
- Encantado de comerte aplikazioa. Bertan, saltokiek egunean zehar saldu ez dituzten eta egoera bikainean dauden elikagaiak hartzeko aukera izango dute hartzaileek, prezio merkeagoan.
Familiei diru-laguntza ematen zaienean, kontuan hartzen da kasu bakoitzaren inguruan egiten den balioespena eta bizikidetza-unitatea eratzen duten kideen kopurua. Kide bakarreko familia-unitateei 150 € ematen zaizkie eta 4 kideko edo gehiagoko familia-unitateei, aldiz, 400 €. Gehienez hiru entrega egiten dira urtean, salbuespenak kontuan izanda.
Urteko lehen erdian, 2.353.670 euro bideratu dira familia kalteberen funtsezko premiak arintzeko behar diren gastuak ordaintzera. Horietatik, 465.000 euro energia pobreziaren egoerak arintzera bideratu dira, eta 1.888.670 euro elikatzeko laguntzetara.
Elikadurako 7.440 laguntza eskaini dira Euskadin urte hasieratik orain arte; 1.377 Araban, 4.280 Bizkaian eta 1.943 Gipuzkoan.
Hitzartuz ekimena
Ekimena muturreko kalteberatasun-egoeran dauden pertsonei eta haien familiei arreta emateko sortu zen, funtsezko premiei premiaz erantzuteko helburuarekin; elikadura egokiari edo higiene pertsonalerako produktuetara jotzeko aukera, bai eta sistematik kanpora geratzen diren familiei argiaren, uraren eta gasaren fakturak ordaintzeko bide ematea ere. Programa honen barruan Eusko Jaurlaritzak 4.000.000 €-ko aurrekontua du, eta horren bitartez 10.000 pertsonarengana baino gehiagorengana iristea da helburua.
Albiste gehiago gizartea
Froga gizarteko albistea itxasorekin
Froga gizarteko albistea sarreatxoa Froga gizarteko albistea sarreatxoa
Albiste izango dira: Andre Maria Zuriaren jaiak, abisu horia beroagatik eta enpleguari buruzko datuak
Gaurkoan albiste izango direnen laburpena, bi hitzetan.
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.