39 urteko gizonezko bat atxilotu dute bart Aretxabaletan, suzko arma batekin bi pertsona zauritzeagatik
39 urteko gizonezko bat atxilotu dute, bart, Aretxabaletan, suzko arma batekin bi pertsona zauritzeagatik. Hilketa saiakera eta armak legez kanpo izatea delituak leporatzen dizkiote. Ezkutu tabernan izan da erasoa, 06:00ak inguruan. Garikoitz Iturbe alkateak Radio Euskadin eta Euskadi Irratian baieztatu duenez, tiroz egindako erasoa izan da.
Orain arte zabaldutako informazioaren arabera, tabernaren atarian izan da tiroketa. Handik gutxira, bere etxebizitzan atxilotu dute ustezko erasotzailea, 39 urteko Aretxabaletako bizilaguna.
Bi zaurituak erietxera eraman dituzte. Itxuraz, zauritu larriena, 46 urteko arrasatearra, Gasteizko ospitale batera eraman dute. Edonola ere, ez omen dago hil ala biziko egoeran.
Bigarren zauritua, ostera, Debagoieneko ospitalera eraman dute.
Aretxabaletako Udalak, bere aldetik, oharra kaleratu du, gertatutakoa salatu eta biktimei eta horien familiei elkartasuna adierazteko. Halaber, "kezka" adierazi du eta "argi" utzi nahi izan du ez dituztela herrian "horrelako gertakari edo jarrerak onartuko".
Ertzaintzak ikerketa zabaldu du, gertatutakoa argitzeko.
Albiste gehiago gizartea
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Muturreko beroa izango dugu gaur eta bihar
Abisu horia ezarri dute ostiralera arte; tenperaturak oso altuak izango dira, 27 eta 35 gradu artekoak.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.
Andre Maria Zuriaren jaiek badute kartela
2025eko Andre Maria Zuriaren Jaiak Arabako hiriburuan ospatuko dira, abuztuaren 4tik 9ra.
Abisu horia ezarri dute Euskadin ostiralera arte, tenperaturak 35 gradura iritsiko baitira
Tenperaturak oso altuak izango dira, 27 eta 35 gradu artekoak, gunearen arabera.
Bilbo eta Arrigorriaga arteko RENFEren zerbitzua berrezarri dute, Alvia batek matxura izan ostean
Ezbeharra 07:20 aldera jazo da, Bilbotik ateratzen ari zen Alvia bat Ollarganen geldirik geratu denean, eta ezin izan du zirkulatzen jarraitu.