Euskal patroi batek gidatutako belaontzi bat atzeman dute Kantauri itsasoan, kokaina kantitate handiarekin
Zerga Administrazioko Estatu Agentziaren Aduana Zaintzeko Zerbitzuak bi tona kokaina zeramatzan belaontzi bat geldiarazi du Kantauri itsasoko nazioarteko uretan, Kantabriatik 30 itsas miliara, Europa Press agentziak jakinarazi duenez. Drogaren pisua baieztatzeko badago ere, Iberiar penintsulako iparraldeko kostalderako "historikoa" da atzemate hori.
Patroia espainiar nazionalitatea eta euskal jatorria duen gizonezko bat da. Erresuma Batuko bandera duen Night Falls belaontziko lau tripulatzaileak atxilotu dituzte, Guardia Zibilaren eta Polizia Nazionalaren laguntzarekin, Alcaravan I patruila-ontzia hurbildu ostean. Laurek karga hori zeramatzatela onartu dute eta ez diete aurre egin.
Ontziak zeramatzan droga kopurua "itzela" da, 70 milioi euroko baliokoa, Miguel Carcaba Zerga Administrazioko Estatu Agentziak inguru horretan duen ordezkari bereziak azpimarratu duenez.
Atzeman ostean, Santanderko badiako Maliañoko kaira eraman dute belaontzia, eta bertan aztertuko dute karga, Auzitegi Nazionalak baimena eman ostean. Ontzia Erresuma Batutik irten zen, hiru hilabete zeramatzan bidaian, eta Erresuma Batuko agintariek eman zieten horren berri Espainiakoei.
Belaontzia gauez nabigatzen ari zen, itsaso zabalean, argirik gabe eta eguraldi txarra izan arren. Aurkitu zutenean, geldirik zegoen, beste ontzi batzuen zain ziurrenik, droga deskargatu eta ebakuatzeko; izan ere, hori da kokaina Hego Amerikatik edo Karibetik garraiatzen duten ontziek egiten dutena.
Hala ere, Zerga Agentziaren arabera, operazio horiek oso apartekoak dira kostaldetik gertu dauden uretan, nazioartekoak izan arren, drogaren "ohiko sarbideak" beste batzuk baitira (Galizia, Espainiako Sortaldea edo Gibraltarko itsasartea).
Carcabaren esanetan, ohiko ibilbideak erabili beharrean, "ur lasaiak" erabiltzen hasi omen dira trafikatzaileak, eta Kantauriko kostaldera hurbildu dira. "Ez gaude ohituta horrelako operazioetara, ezta gutxiago ere", nabarmendu du. "Horrelako mafiek sistemaren zuloak baliatzen dituzte", erantsi du.
Albiste gehiago gizartea
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.