Ur Partzuergoak funtsezkoa ez den ur kontsumoa mugatzeko eskatu die Busturialdeko udalei euri falta dela eta
Bilbao Bizkaia Ur Partzuergoak ura zentzuz erabiltzeko protokoloa aktibatu du Busturialdean, eta hala, funtsezkoa ez den ur kontsumoa mugatzeko eskatu die eskualdeko 16 udalei. Hau da, ezar ditzatela murrizketak igerileku pribatuak betetzeko, lorategiak eta baratzeak ureztatzeko edota kaleak garbitzeko.
Ohar bidez azaldu duenez, azken egunotan izandako prezipitazioak gorabehera eta Zadorrako urtegia % 65ean egon arren, "eskualdeak ez dauka ura biltzeko azpiegiturarik, eta, beraz, nahitaezkoa da ibai, akuifero eta zundaketetan dagoen emaria zaintzea". Erakundearen arabera, Busturialdea hornitzen duten arroak "eskasia egoeran" daude.
Murrizketak ezartzeko deia udalerri hauei egin die Partzuergoak: Ajangiz, Arratzu, Bermeo, Busturia, Ea, Elantxobe, Gernika-Lumo, Forua, Gautegiz Arteaga, Ibarrangelu, Kortezubi, Mendata, Mundaka, Murueta, Muxika eta Sukarrieta. Gainera, erantzukizuna eta inplikazioa eskatu die herritar guztiei "eremu pribatuan ura arrazionaltasunez erabiltzeko eta funtsezkoak ez diren jardueretan ur kontsumoak murrizteko".
Ur Partzuergoak gogorarazi du urte hasieran hartu zuela bere gain eskualdeko hornidura eta saneamenduaren kudeaketa. Harrezkero, horren hitzetan, hainbat jarduketa egin ditu eremuko sistemak hobetzeko eta sarean ihesak konpontzeko (20 milioi eurotik gorako inbertsioak egin ditu). Dena den, eremuan dauden "hornidura beharrak eskura dagoena baino handiagoak dira".
Aurtengo egoerak, baina, ez du iazkoarekin zerikusirik —lehorte larria egon zen 2022an—; izan ere, funtsezkoa ez zen ur kontsumoaren murrizketak uztailaren erdialdean aplikatu ziren, eta abuztuan edateko ura ontzi batean garraiatu behar izan zuten Bilboko Portutik, hornidura bermatzeko. Gainera, ur zerbitzuaren presioa nabarmen murriztu zuten gauez.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.