Bilbo eta Donostiako udalek herritarrei neurriak hartzeko eskatu diete, Saharako hautsa dela eta
Bilbo eta Donostiako udalek neurriak hartzeko eskatu diete herritarrei, azken orduotan nabarmen areagotu den Saharako hautsa dela eta. Besteak beste, aire zabalean ahalegin fisiko handiko jarduerarik ez egiteko eskatu dute, eta aire zabaleko eremuetan ahalik eta denbora gutxien egoteko.
Gauerdian heldu da Saharako basamortuko hautsa Euskal Herrira, eta horrek airearen kalitateak okerrera egitea ekarri du. Ostiralera arte luza daiteke egoera. Ahal den neurrian, auto partikularrak erabili beharrean, garraio publikoa erabiltzeko ere eskatu dute aipatutako bi udalek.
Tenperatura altuek, hego-haizeak eta azken horrek ekarri duen hauts-ganduak eraginda, Euskal Herriko airearen kalitateak okerrera egin du azken egunotan. Euskal Herriko mapari erreparatuz gero, estazio meteorologiko ia gehienetan nabarmen egin du okerrera airearen kalitateak. Gipuzkoan, Hernani, Usurbil eta barnaldeko hainbat herri ikusi ditugu banderatxo gorriarekin, Azpeitia eta Tolosa kasu. Bizkaian, Muskizen eta Durangon ere gorria dago mapan; Araban, Eltziegon dago airearen kalitate oso txarraren adierazlea; eta Nafarroan, Iruñeaz gain, Altsasu eta Tutera daude gorriz markatuta. Kontrara, airearen kalitate onaren seinale den bandera berdea dute Jaizkibelen, Urkiolan eta Zangozan, besteak beste.
Neurriak hartzeko gomendioa herritar guztiei zuzenduta badago ere, bereziki, arnasketa-nahasmendu kronikoak, gaixotasun kardiobaskularrak edota diabetesa dituzten pertsonei eta adinekoei eskatu diete kontuz ibiltzeko.
Albiste gehiago gizartea
Egokitutako menuek betiko eraldatu dituzte eskoletako jangelak
Gero eta ohikoagoa da eskola-jantokietan ikasleek dieta bereziak behar izatea, erlijio-arrazoiengatik, intolerantziengatik, elikagai jakin batzuekiko alergiengatik eta bestelako osasun-arazoengatik. Gaur gaurkoz, EAEko ikastetxeetako jangeletan banatzen diren 8 menutatik 1 egokitutakoa da.
Milaka pertsona atera dira gaur kalera Hego Euskal Herrian, Palestinaren alde
Gasteizen, Bilbon eta Iruñean arratsaldeko zazpietan abiatu dira Palestinaren aldeko Borroka Eguna dela eta antolatutako mobilizazioak. Deialdia Gazarako Mugimendu Globalak eta Global Sumud Flotillak egindako nazioarteko ekimenari erantzunez gauzatu da, “Apur dezagun Gazako blokeoa. Defenda dezagun Global Sumud Flotilla” lelopean. Goizean ere, protesta egin dute Gasteizen, Legebiltzarraren kanpoaldean.
Komunitate palestinarrak genozidioaren aurkako manifestazioa deitu du asteazkenerako Zinemaldian
Palestina-Euskal Herria Elkartasun Batzordeak “The Voice of Hind Rajab” filmaren proiekzioa baliatuko du Israelen erasoa eta horren inguruko isiltasun “konplizea” salatzeko Donostiako kaleetan.
Donostiako masajistak ukatu egin ditu sexu-erasoen akusazioak
Fiskaltzak eta akusazio partikularrek 45 urteko kartzela-zigorra eskatu dute akusatuarentzat.
"Nahasmendu delirantea" diagnostikatu diote medikuek Kabiecesen 400 haur baino gehiago txertatu gabe utzi zituen erizainari
Epaiketaren laugarren egunean, auzipetua auzitegian aurkeztu da, baina deklaratzeko moduan ez dagoela onartu du.
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioa Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.