Hezkuntza Lege-proiektuaren aurkako manifestazioa deitu dute urriaren 29rako Donostian
Eskola Publikoaz Harro Topaguneak Hezkuntza Lege-proiektuaren aurkako manifestazioa deitu du urriaren 29rako Donostian, 12:30ean. Protesta Boulevarretik abiatuko da, "Euskal eskola publikoaren alde, hezkuntza lege honi ez" lelopean.
Gasteizen egindako agerraldian, kolektiboak Hezkuntza Lege-proiektuaren aurrean "erabateko aurkako jarrera" agertu du. Horren harian, 2022-2023 ikasturtean, ekainean, besteak beste, Bilbo, Donostia eta Gasteizko kaleetan egindako "manifestazio jendetsuak" gogoratu dituzte, Euskal Eskola Publikoa aldarrikatzeko eta "lege honek dakartzan kalteak salatzeko".
Kolektiboaren arabera, lege-proiektuak "sistema publiko-pribatu duala eta ezohikoa betikotu egiten du". "Euskal Hezkuntza Zerbitzu Publikoa delako eufemismo tranpati eta interesatuaren bidez, titularitate publikoko eta pribatuko ikastetxeak berdindu nahi ditu, nahiz eta denok jakin guztiz ezberdinak direla", salatu du.
Deitzaileen hitzetan, proiektuak %100eko finantzazioa emango die ikastetxe pribatuei "trukean inolako baldintzarik eskatu gabe". "% 100eko finantzazioa nahi duen ikastetxea publifikatu egin behar da", esan dute.
Bestalde, kolektiboaren ahotan, egitasmoak "ez du eskola publikoa lehenesten". "Eskola publikoa protagonista izan behar dela jasotzen den arren, protagonismo hori ez da ezertan gauzatzen artikulatu osoan", kritikatu dute.
Gainera, uste dute ez diela bermatzen ikasle guztiei euskararen erabilera eta ezagutza. "Egungo hizkuntza-ereduek indarrean jarraitzen dute, ez dago ikastetxe guztientzako marko komuna ikasle guztiei euskararen ezagutza bermatzeko eta murgiltze-eredua eskaintzen ez duten ikastetxeek eta euskalduntzea sustatzen ez dutenek itunak (diru publikoa) jasotzen jarraituko dute", salatu dute.
Azkenik, segregazioari aurre egiteko neurri eraginkorrik ez dagoela uste dute. "Arazo larria onartzen den arren, berau konpontzeko orain arteko neurriek oso eragin txikia izango dute, eta, ituntze unibertsala mantentzen duen heinean, segregazioa betikotuko du", ondorioztatu dute.
Albiste gehiago gizartea
Froga gizarteko albistea itxasorekin
Froga gizarteko albistea sarreatxoa Froga gizarteko albistea sarreatxoa
Albiste izango dira: Andre Maria Zuriaren jaiak, abisu horia beroagatik eta enpleguari buruzko datuak
Gaurkoan albiste izango direnen laburpena, bi hitzetan.
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.