Egunak eguzkitsu eta gauak hotz, asteburu honetan
Larunbatean, behe-hodeiak eta lanbroa izan dira goizean goiz, baina horiek desegin ahala, eguzkia nagusitu da zeruan, eta hala eutsiko dio, gainera, egun osoan zehar. Haizea ahul eta aldakor ibiliko da, eta ekialdetik joko du kostaldean. Tenperatura maximoak aurreko egunetakoen antzekoak izango badira ere, minimoak nabarmen jaitsiko dira. Barnealdean, 0 ºC inguruko minimoak aurreikusten dira (1 ºC Gasteizen eta 2 ºC Iruñean), beraz, ez da baztertzen izotza egitea zenbait puntutan.
Igandean, giro eguzkitsua izango da, baina, goizaldetik zerua oskarbi egongo denez, minimoak hotzak izango dira: barnealdeko toki askotan, 0 ºC-tik beherakoak izango dira, eta kostaldean, 3 eta 5 ºC artekoak. Orduek aurrera egin ahala, eguzkiak giroa epelduko du, eta maximoak 10 ºC-tik gorakoak izango dira. Zerua hodei gutxirekin edo oskarbi egongo da egunaren hasieratik amaierara, Ebro ibarrean izan ezik, bertan behe-lainoak egun osoan iraun baitezake. Ekialdeko haize ahula ibiliko da.
Larunbatetik iganderako eta igandetik astelehenerako gauak oso hotzak izango dira, Araba erdialdean eta Ebro ibarrean bereziki. Hori dela eta, abisu horia ezarri du Euskalmetek izotz arriskuagatik, eta ohartarazi du lainoa ere ager daitekeela izotzarekin batera. Larunbat gauerditik igandeko 10:00ak arte eta igande gauerditik asteleheneko 10:00ak arte egongo da indarrean abisua.
Zure interesekoa izan daiteke
26 urteko kartzela-zigorra berretsi dute Donostian hiru adingaberi sexu-erasoak egin zizkien masajistarentzat
EAEko Justizia Auzitegi Nagusiak atzera bota du auzipetuak jarritako helegitea, eta berretsi egin du Gipuzkoako Auzitegiaren epaia. 17 urteko zaintzapeko askatasuna ere ezarri zion horrek, espetxe-zigorra bete eta biktimei 40.000 euroko kalte-ordaina ordaindu ondoren.
Gorpu bat topatu dute Txingudiko badian, eta Irunen desagertutako gizonarena izan daiteke
Hilaren 15etik dago gizona agertu barik, Bidasoa ibaira salto egin eta gero, ustez lapurreta batean parte hartzen ari zela Ertzaintzako agenteek antzeman ostean.
Voxek EHUn egindako ekitaldiaren aurrean hartutako erabakiak "egokiak" izan direla defendatu du Joxerramon Bengoetxeak
Joxerramon Bengoetxea EHUko errektoreak nabarmendu duenez, hartutako erabakien helburua Voxek campus huts bat aurkitzea zen. "Prebentzio neurri hori osasun-hesitzat har dezakegu", gaineratu du.
Furgoneta baten gidaria hil da trenak aurretik eramanda, Kuartangon
Istripuaren ondorioz, Bilbo-Miranda Ebro lineako zirkulazioa eten dute, eta garraiobide alternatiboa eskaini diete erabiltzaileei.
Sarrigurengo hilketa matxistaren egilea espetxeratzeko agindua eman du epaileak
Epaileak ohartarazi du hiltzaileak ihes egiteko arriskua duela, erailketa eta giza-hilketa, saiakuntza graduan, egotzita.
Bizkaiko bi ikastetxe publikok eta Arabako batek Nazioarteko Batxilergoa eskainiko dute datorren ikasturtean
Titulazio bikoitza lortzeko aukera izango dute, beraz, ikasleek: Batxilergoko titulu ofiziala eta Nazioarteko Batxilergoko diploma. Horretarako, gutxienez 8,25eko nota izango beharko dute ikasleek, eta Ingeles eta Euskara ikasgaietan ere bai.
Pertsona bat hil da eta beste bat larri zauritu da Arabako piroteknia-enpresa batean izan den leherketan
Ezbehar 11:10ean izan da, FML enpresan, Bergüendako kontzejuan, Gasteiztik 44 kilometrora. Bertako alkateak esan du segurtasun kontuetan enpresan "dena zuzen" zegoela.
Mehatxuen aurrean, EAEko erakundeek feminismoa "defendatzeko eta zabaltzeko" deia egingo dute aurtengo M8ko kanpainan
Urtero bezala, martxoaren 8ko kanpaina ondu dute Emakundek, Foru Aldundiek eta Eudelek. "Eman tokia berdintasunari" izango du lelotzat, eta gaurtik M8ra, berdintasuna zaindu eta babesteko eremua dela aldarrikatuko dute.
Kosner Baskoniak bihar ospatuko du Kopako titulua Andre Maria Zurian, 19:00etan
Kosner Baskoniak Espainiako Kopa irabazi osteko gaua luze joan da Gasteizen. Taldea goizaldean iritsi da hiriburura, eta zaleek kale eta plazak hartu dituzte, festa giroan. Asteartean izango da harrera ofiziala.
Albiste izango dira: Kosner Baskonia Kopako txapeldun!, EHUren Arabako campusa itxita eta greba eguna Tubos Reunidosen
Gaurkoan Orain-en albiste izango direnen laburpena, bi hitzetan.