Hauek izango dira urteko albisteetako batzuk: hauteskundeak, gerrak, olinpiar jokoak...
2024an denon ahotan egongo diren albisteak zeintzuk izango diren aurreikusten saiatu gara. Hauek dira lerroburu izango diren batzuk:
* Hauteskunde-prozesuak, barra-barra
4.000 milioi pertsona daude botoa ematera deituta 2024an. Munduko 70 herrialdetan, bozketak izango dira aurten, tartean AEBn (azaroan), Errusian (martxoan), Mexikon eta Venezuelan.
Euskal Herrian, Europako hauteskundeetarako botoa ematea tokatuko zaigu (ekainean), eta EAEn hauteskunde hitzordua izango dugu Eusko Legebiltzarra hautatzeko. Gertatzen dena gertatzen dela, Euskadik beste lehendakari bat izango du prozesu horren ostean.
* Gazari eta Ukrainari begira
Munduan hainbat gatazka pil-pilean egon arren, Isralen eta Hamasen arteko gerrak edo Errusiaren eta Ukrainaren arteko borrokak jasoko dute berriro ia arreta guztia.
* Trump, akusatuen aulkian
Martxoaren 4an, Donald Trump epaituko dute Washingtongo auzitegi batean, 2020ko porrota bertan behera uzteko saiakeragatik. Epaiketari ez ezik, hauteskunde-kanpainari ere egin beharko dio aurre Trumpek aurten.
* Olinpiar jokoak, Parisen
Kirolzaleek hitzordu garrantzitsua izango dute uztailaren 26an, Parisen, egun horretan hasiko baitira XXXIII. Olipiar Jokoak Frantziako hiriburuan.
* Legerik polemikoena indarrean sartuko da
Urte hasieran, Madrilgo Diputatuen Kongresuan Amnistia Legea eztabaidatzea eta onartzea espero da. Lege horrek, ika-mika ugari ekarriko ditu talde politikoen artean.
* Aldaketa historikoa gure hirietako zirkulazioan
Bai hiriburuetan eta baita 50.000 biztanletik gorako hirietan, nabarmen aldatuko da zirkulazioa. Hiri horietan, Emisio Txikiko Eremuak estreinatuko dituzte, kutsadura-maila murrizteko xedearekin. Ondorioz, auto zaharrenek, kutsagarrienek, debekatuta izango dute erdiguneetara sartzea. Horrez gain, DGTk hirietan patineteak "gidatzeko" baimen bat onartuko du.
* Adimen artifizialaren bilakaera
2024an, Adimen Artifizialaren aplikazioek aurrera nola egiten duten ikusiko dugu hainbat esparru estrategikotan, Osasun Zerbitzuetan, Hezkuntzan, politikan eta kulturan, besteak beste.
* Kilometroak euskararen alde
"Harro Herri" lelopean, martxoaren 14an emango diote hasiera Korrikaren 23. edizioari, Irunen. Hamar egun geroago iritsiko da Baionara.
* 24 orduko arreta zerbitzua indarkeria matxistaren biktimentzat
Euskadi sexu-indarkeriaren biktimei laguntzeko 24 orduko hiru zentro abian jarriko dituen lehen autonomia erkidegoa izango da. Europako funtsek diruz lagundutako zentro horiek aldundiek kudeatuko dituzte, eta ekainean irekitzea espero da.
* Medikuen topaketa erraldoia, Bilbon
5.000 familia-mediku batuko dira Bilbon urrian, Estatuko Mediku Kongresurik handienean parte hartzeko. Aurreikuspenen arabera, topaketa horrek 10 milioi eurotik gorako eragin ekonomikoa izango du.
* Euskaditik espaziora
Ekainaren batean, Lur-1 satelitea espaziora bidaliko du Euskadik. Satelitea EAEn garatu da oso-osorik.
* Lanpostu publikoen egonkortzea
2024an, 17.000 lanpostu egonkortuko dituzte Euskadiko sektore publikoan. Gainera, aldizkako LEPak deituko dira, enplegu publikoa "modernizatzeko".
* Chillida jaio zela 100 urte
Eduardo Chillida jaio zela 100 urte beteko dira urtarrilaren 10ean.
Zure interesekoa izan daiteke
Gizon batek bikotekidea hil du Pontevedran eta bere buruaz beste egin du ondoren, atxilotu aurretik
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Gizona etxebizitza batean gotortu da eta Guardia Zibila berarekin negoziatzen aritu da arratsalde osoan, entregatu zedin, baina bere buruaz beste egin du azkenean.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.