Hernaniko Chillida Leku museoak ate irekiko asteburu batekin ospatuko du artista donostiarraren mendeurrena
Joan den urtarrilaren 10ean Eduardo Chillida artista donostiarra jaio zela 100 urte bete ziren eta Hernaniko ingurune ikusgarri batean kokatuta dagoen Chillida Leku museoak, ate irekien asteburu batekin ospatuko du mendeurrena. Hala, larunbatean (hilak 13) eta igandean (hilak 14), nahi duen orok museoa libreki eta doan bisitatu ahal izango du.
Gainera, museoak doako jarduerak iragarri ditu publiko guztientzat, besteak beste, museorako bisita gidatuak, Maushausekin familiarteko arte-tailerra eta Maeght Unibertsoa aldi baterako erakusketaren bisita gidatuak. Parte hartzeko, hori bai, gonbidapenak erreserbatu behar dira; antolatzaileen pozerako eta askoren zoritxarrerako, agortuta daude sarrera horiek.
Lorategi zoragarriak eta haietan ikusgai dagoen artistaren obra doan ikusi eta gozatu ahal ahal izango dira, eguraldi goxo eta eguzkitsua lagun izango den asteburuan.
Bisitarien kopuru handia espero denez, museoak garraio publikoan joatea gomendatu du. Autobusak 15 minutuero egongo dira Galarretako aparkalekutik eta Errekalde Euskotreneko geltokitik museoraino. Gainera, BU05 lineako autobusak, Donostiatik, 30 minutuero aterako direnak, museo paretik pasatzen dira, eta museoaren atean bertan egiten du geldialdia, 'Chilllida Leku' izeneko geltokian.
Albiste gehiago gizartea
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.
Andre Maria Zuriaren jaiek badute kartela
2025eko Andre Maria Zuriaren Jaiak Arabako hiriburuan ospatuko dira, abuztuaren 4tik 9ra.
Abisu horia ezarri dute Euskadin ostiralera arte, tenperaturak 35 gradura iritsiko baitira
Tenperaturak oso altuak izango dira, 27 eta 35 gradu artekoak, gunearen arabera.
Bilbo eta Arrigorriaga arteko RENFEren zerbitzua berrezarri dute, Alvia batek matxura izan ostean
Ezbeharra 07:20 aldera jazo da, Bilbotik ateratzen ari zen Alvia bat Ollarganen geldirik geratu denean, eta ezin izan du zirkulatzen jarraitu.