Zuhaitzen eta hiri-altzarien erorketak eta hainbat hegaldi bertan behera, haize boladen ondorioz
Euskal Autonomia Erkidegoa astintzen ari diren haize-bolada gogorrek 56 gertakari eragin dituzte azken orduetan, batez ere adarren, zuhaitzen edo hiri-altzarien erorketekin lotutakoak, Eusko Jaurlaritzako Segurtasun Sailak zehaztu duenez.
Hala, atzoko 18:00etatik gaurko 9:00etara, Araban 22 gertakari izan dira, batez ere eroritako eta mugitutako edukiontziengatik. Bizkaian gertakari kopuru bera erregistratu da, batez ere fatxadetako elementuen erorketengatik. Berangon, gainera, argiaren hornidura eten egin zen. Azkenik, Gipuzkoan 12 jarduera egin dira, gehienak zuhaitzak errepidera erori direlako.
Loiuko aireportuan
Bestalde, haize-boladek arazoak eragin dituzte ere Loiuko aireportuan eta bigarren mailako errepideetan. Gaur, bi hegaldi bertan behera utzi behar izan dituzte, horietako bat Madrilera zihoan, eta bestea Frankfurtera. Atzerapenak izan dira beste horrenbeste hegalditan.
Atzo, hamabi hegalditan izan ziren gorabeherak (batzuk bertan behera geratu ziren, eta beste batzuk desbideratu egin zituzten, Loiun lurreratzeko arazoak zituztelako). Alemaniako denboraleak ere izan du zerikusirik horretan. Elurra dela eta, ehunka hegaldi utzi dituzte bertan behera han, horietako batzuk Bilbon zuten helmuga.
Azken orduotan, 118 km/h-ko ufadak neurtu dituzte Kapilduin, eta 111 km/h-koak Matxitxakon.
09:00ak arte, alerta laranja egon da indarrean haizeguneetan, eta abisu horia haizeak hain gogor jotzen ez duen tokietan. 10:00etan, baina, Segurtasun Sailak abisu horipean jarriko du Euskadi, enbata arriskua tarteko. Horrek aldaketa ekarriko du nonahi. Zeruak estali, eta euria egingo du; bereziki, arratsaldetik aurrera. Haizearen norabidea ere aldatu egingo da, eta hegoak iparrari utziko dio lekua. Tenperaturak nabarmen jaitsiko dira, orduan.
Bihar, ostirala, ere euria egingo gu; goizean, gehien bat. Tenperaturak are gehiago jaitsiko dira, hotzari bide emanez. Larunbatean ere nabarituko da hotza. Egun horretan, 00:00etatik 10:00etara abisu horia ezarriko dute izotzagatik barnealdean eta Gipuzkoako kostaldean.
Errepideetako egoera
Haize ufada zakarren ondorioz, hainbat zuhaitz erori dira Gipuzkoako bigarren mailako zenbait errepidetan. Ordu honetan (09:05) ez dago haizearekin lotutako gorabeherarik Euskadiko errepideetan.
Zure interesekoa izan daiteke
% 77,8ra igo da Euskadi anitz batean bizi nahi duten herritarren kopurua
Ikuspegiren azken txostenaren arabera, herritarren % 24,2k onartu du azken urtean diskriminazio-egoeraren baten lekuko izan direla eta % 14,6k diskriminazio motaren bat jasan duela aitortu du, lanpostu bat edo alokairuko etxebizitza bat lortu nahi izan duenean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek greba astean jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
CCOO sindikatuak ez du lekukorik eramango aurtengo Korrikan
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.
Gorpu bat aurkitu dute itsasoan, Ondarroa eta Lekeitio artean
Gorpua ezin izan dute identifikatu, baina baliteke asteartean Mendexan desagertutako 82 urteko arrantzalea izatea.
Tasa turistikoa 2027ko urtarrilaren 1etik aurrera ezarriko da Euskadin
Gipuzkoako Foru Aldundiak turismoari lotutako zerga berria arautzen duen Foru Arauaren proiektua onartu du. Zergaren oinarria gau kopuruaren arabera kalkulatuko da.