Inauteri euritsuak
Asteburuak euria eta tenperaturen beherakada nabarmena ekarriko ditu, eta inauterietako desfile bat baino gehiago bustiko da, Euskalmeten iragarpenaren arabera.
Gaur, arratsaldean nabarituko ditugu aldaketarik nabarmenenak. Hego-mendebaldeko haizearekin hasiko dugu eguna, aurreko egunean baino indar gutxiagorekin ibiliko da, baina bolada gogor batzuekin. Goizean, euri txikia egingo du, batez ere ekialdean, baina goizak aurrera egin ahala, atertu egingo du eta ostarteak zabalduko dira eguerdi inguruan. Arratsaldean, hodeiak ugaritu eta euria egingo du, arratsalde-gau partean zaparrada mardulak botako ditu eta haizeak ipar-mendebaldera egingo du. Tenperaturak behera egingo du, eta eguneko minimoak azken orduetan neurtuko dira.
Larunbatean, nabarmen hoztu eta euria egingo du. Goizaldean, euria txoko guztietara iritsiko da; goizetik aurrera, berriz, zaparradak botako ditu tarteka. Zaparrada horiek sarriago botako ditu goizean eta gauean, eta batik bat isurialde atlantikoaren ekialdean egingo du, eskualde horietan arratsalde-gau partean zaparrada handiak izan daitezke. Arratsaldeko lehenengo orduetan, aterrune luzeak izango dira. Tenperaturak behera egingo du, eta maximoak 9-12 ºC-ren bueltan geratuko dira. Mendebaldeko eta ipar-mendebaldeko haizea ibiliko da, eta bereziki zakar joko du kostaldean eta Ebroko ibarrean. Elur-kota 1000-1200 metro ingurura jaitsiko da.
Igandean, eguraldiak lasaitzera egingo du orduak igaro ahala. Egunaren lehen partean, zaparrada batzuk botako ditu isurialde atlantikoan; arratsaldean, ordea, pixkanaka, atertzera egingo du. Tenperatura maximoetan ez da gorabehera handirik izango, baina minimoak pixka bat jaitsiko dira. Mendebaldeko haizea ibiliko da, zakar samar tarteka. Elur-kota 1000-1200 metro inguruan egongo da goizaldean eta goizean goiz.
Astelehenetik aurrera, hego-mendebaldeko haizeak giroa epelduko du, baina euria egiten jarraituko du. Asteazkenera arte, berdin jarraituko du, baina atertzera joko du ordutik aurrera.
Kontsulta ezazu eguraldiaren iragarpena, eta bidali zure argazkiak eta bideoak.
Zure interesekoa izan daiteke
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Gizon batek bikotekidea hil du Pontevedran
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Guardia Zibila gizonaren bila ari da atxilotzeko.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.