Gustu guztietarako eguraldia asteburuan
Ostirala umel hasi da, eta tarteka euria egingo du, batez ere egunaren lehen partean. Arratsaldeak aurrera egin ahala, atertzera egingo du, mendebalde ipar-mendebaldeko haizea ahulduz joango da, eta ostarteak zabalduko dira. Tenperatura maximoak nabarmen jaitsiko dira, batez ere isurialde atlantikoan, eta termometroak ez dira 15 º C-tik pasatuko.
Larunbatean, argitzera egingo du eguraldiak. Goizean goiz, behe-lainoa eta hodei multzoak ikusiko ditugu, eta baliteke goizaldean euri pittin bat egitea ipar-ekialdean, baina salbuespena izango da; izan ere, hodeiak desegiten joango dira, eta, orduak igaro ahala, goi-hodei batzuk baino ez dira geratuko zeruan. Haizea ahul eta aldakor ibiliko da, eta ekialdekoa nagusituko da arratsaldean kostaldean. Tenperatura maximoak ostiralean baino 2-4 º C altuagoak izango dira eta minimoek behera egingo dute. Barnealdean, hotz egingo du, eta ez da baztertzen Arabako eta Nafarroako txoko batzuetan goizaldean izotz txikia egitea.
Igandean, euria itzuliko da. Eguna giro argiarekin hasiko dugu, goi-hodei batzuekin, eta behe-lainoarekin txoko batzuetan. Arratsaldean, ordea, haizeak ipar-mendebaldera egingo du, eta, haize horrek bultzatuta, euritara joko du, kostaldetik hasi eta barrurantz. Tenperaturan ez da aldaketarik espero, eta larunbatekoen antzekoak izango dira.
Zure interesekoa izan daiteke
Atharratzetik abiatu da 24. Korrika, festa giroan, pizkundearen akuilu izatea xede
AEK-ko kideek eta Zuberoako euskalgintzan erreferente den Oihana Larrandaburu Goñi atharraztarrak eman diote hasiera lasterketari. Euskal Irratiak sareko kideak izan dira lehenak lekukoa eramaten. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.
CCOO Korrikatik kanpo geratu da, AEK-k erabaki baitu sindikatuak ez duela lekukoa eramango, "euskararen aurkako jarrerak sustatzen" dituelakoan
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.