Fronte hotz batek giro grisa eta euri apur bat ekarriko ditu ostegunera arte
Aurreko ia aste osoan eguraldi eguzkitsuarekin egon ostean, igande gau eta astelehen goizaldean fronte hotz bat iritsi da, eta tenperaturak kolpetik jaisteaz gain, zeruak lainoekin estali ditu, euri askorik espero ez den arren. Datorren astebururako, berriz, Euskalmetek aurreikusi du ostegunean berriro nagusituko dela eguzkia, eta tenperaturak apur bat igoko direla, baina ez aurreko aurreko astean adina, ipar-ekialdeko haizea nagusituko baita.
Gaur, tenperaturak nabarmen egingo du behera. Eguraldi aldaketa fronte baten eskutik etorriko da, baina fronte horrek euri gutxi ekarriko digu. Giro motela izango dugu, eta euria egingo du tarteka, bereziki isurialde atlantikoan eta egunaren lehen zatian; oro har, euri txikia egingo du, baina baliteke goizaldean zaparrada bakanen bat botatzea. Arratsaldean, ostarte zabalak irekiko dira hegoaldean. Tenperaturaren beherakada handia izango da, eta herri gehienetan beroenak 15 ºC ingurukoak izango dira. Arratsaldean, iparraldeko haizea harrotu egingo da Ebro ibarretik gertu.
Giro iluna eta freskoa astearterako. Ipar partean, zerua lainotuta egongo da, eta tarteka euri txikia egingo du isurialde atlantikoan. Hegoaldean, berriz, hodeitza ez da hain trinkoa izango, ateri eutsiko dio eta ostarteak zabalduko dira. Haizea ipar-mendebaldetik sartuko da, eta harro samar ibiliko da tarteka, bereziki Ebro inguruetan. Eguneko tenperaturak beste koska bat egingo du behera, eta 15 ºC-tik behera geratuko da leku gehienetan.
Asteazkenean antzera jarraituko dugu. Zerua lainotuta egongo da, bereziki ipar isurialdean eta euri pixka bat egin dezake; euria, orokorrean, txikia izango da edo euri langarra. Ipar-mendebaldeko haizea ibiliko da, giro freskoarekin jarraituko dugu eta baliteke 1300-1500 m-tik gora prezipitazioa elur moduan egitea.
Ostegunetik aurrera, eguraldiak hobera egingo du, eta astebururako, eguzkia itzultzea eta tenperaturak apur bat igotzea espero da.
Kontsulta ezazu eguraldiaren iragarpena, eta bidali zure argazkiak eta bideoak.
Zure interesekoa izan daiteke
Gaur hasiko da Euskadin 2026-2027 ikasturterako aurrematrikulazio epea
Otsailaren 13ra arte egongo da zabalik aurrematrikula egiteko epea. Derrigorrez egin behar dute bi urteko ikasgeletako ikasleek, baita ikastetxe batera lehen aldiz sartzen direnek edo hizkuntza-eredua aldatu nahi dutenek ere.
Gizon batek bikotekidea hil du Pontevedran eta bere buruaz beste egin du ondoren, atxilotu aurretik
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Gizona etxebizitza batean gotortu da eta Guardia Zibila berarekin negoziatzen aritu da arratsalde osoan, entregatu zedin, baina bere buruaz beste egin du azkenean.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.