Gipuzkoak bat egingo du datorren maiatzaren 18ko Museoen Egunarekin, programazio "zabal eta anitzarekin"
Gipuzkoak maiatzaren 18an bat egingo du Museoen Nazioarteko Egunarekin, jarduera bereziak antolatuz eta ateak irekiz. Aurten, "Museoak hezkuntzaren eta ikerketaren alde" da goiburua, eta hezkuntza- eta ikerketa-alderdia zabaltzea du helburu, ondare historiko eta kulturala babesteaz eta erakusteaz gain.
Goizane Alvarez Gipuzkoako Kultura diputatuak programazio "zabala eta askotarikoa" aurkeztu du asteazken honetan, esanez "aukera paregabea" dela "iragana ezagutzeko, egungo bizitzaz gozatzeko eta etorkizuna eraikitzeko", baita herritar bakoitzak egin ditzakeen "galderei erantzunak bilatzeko eta aurkitzeko" ere.
Alvarezek, gainera, eskertu egin du museoek "ateak irekita mantentzeko" eta gipuzkoarren "kultura aberasten" laguntzeko egiten duten ahalegina.
Datorren larunbaterako antolatutako programa berezian, Donostiako itsas museoan erakusketak prestatzearen atzean dagoena ezagutzeko bisita gidatuak, Igartubeitiko 'collage' eta 'pop-art' tailerrak edo Zumalakarri museokoak nabarmentzen dira.
Ekainberrik, bere aldetik, Museoen Egunerako bere ekimen arrakastatsuenetako bat berreskuratuko du, Ekaingo historiaurreko margolan harrigarrien aurkitzaileek bizitako esperientziaren birsorkuntza. Urola Behereko herri berean, XV. mendeko Lili Jauregiak bisita antzeztuak egingo ditu.
Balenciaga Museoak, Euskotrenen Trenbidearen Museoak, Alkizako Ur Marak, Zarauzko Photomuseunek eta Irungo Oiassok, halaber, doako jarduerak eskainiko dituzte, gehienetan bezala, baliabide bakoitzaren web orrietan izena eman ondoren.
Zure interesekoa izan daiteke
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.