Beloradoko komentuko abadesa ohiak Burgosko artzapezpikua salatu du botere gehiegikeriagatik
Beloradoko eta Urduñako komentuetako moja klaratarren eta Eliza Katolikoaren arteko korapiloa areagotzen ari da. Mario Iceta Burgosko artzapezpikuak Beloradoko, Urduñako eta Derioko monasterioen gaineko boterea izango duela jakin eta biharamunean, sor Isabel Beloradoko komentuko abadesa ohiak artzapezpikua salatu du botere gehiegikeriagatik, legezko ordezkaritza usurpatzeagatik eta elkartzeko eskubidea urratzeagatik.
Jose Ceacero Beloradoko eta Urduñako moja klaratarren eleduna azaldu da gaur hedabideen aurrean, salaketaren berri ematera. Esan duenez, atzo bertan jarri zuen salaketa abadesak, Iceta 'komisario pontifizio' izendatu ostean. "Abadesari dagokion boterea hartu du bere gain Icetak, eta horregatik jarri du salaketa", zehaztu du.
Halaber, erantsi du Espainiako Konstituzioan jasota dagoen "elkartzeko" eta "borondatez banatzeko" irizpideak urratu dituela Burgosko artzapezpikuak. "Euren borondatez banandu ziren mojak Eliza Kontziliarretik maiatzaren 13an, euren legezko ordezkari bakarra den sor Isabelek izenpetutako dokumentu baten bidez", azaldu du. Egun horretan bertan agiria Icetari burufax bidez helarazi zitzaiola ere gehitu du. "Ez Icetak ez Erromak ez beste inork ezin du zuzenbide kanonikoa Konstituzioren gainetik ezarri".
Beloradoko mojak artzapezpikuarekin biltzeko asmorik duten galdetuta, ezetz erantzun du. "Ez daude horretara derrigortuta, begiruneagatik bildu daitezkeen arren. Nolanahi ere, argi esan didate ez direla ez Icetarekin eta ez beste inorekin elkartuko".
Aipatu komentuetako mojak maiatzaren 13an Eliza Kontziliarra uztea erabaki zuten, eta Pia Union Sancti Pauli Apostoli erakundeko kide izatera igaro ziren.
Zure interesekoa izan daiteke
AEK-k Korrikatik kanpo utzi du CCOO sindikatua, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.