Beloradoko mojek Guardia Zibilari deitu diote Eliza katolikoak bidalitako ordezkariak kanporatzeko
Beloradoko (Burgos) eta Urduñako (Bizkaia) klaratar mojek "jazarpena" salatu dute, eta Erromako Eliza utzi ondotik, ez dute atzera egin, oraingoz. Atzo, esaterako, uko egin zioten aita santuak Beloradora bidalitako ordezkariekin elkartzeari. Are gehiago, Guardia Zibilari deitu zioten ordezkariak kanporatzeko, nahiz eta azkenean bere kabuz joan ziren. Burgosko Artzapezpikutzak "etsaitasun ekintza" gisa definitu du gertaturikoa.
Burgosko Artzapezpikutzak ohar bidez azaldu duenez, atzo, 14:00etan, aita santuaren komisarioak bidalitako segizioa Beloradoko Santa Klara monasteriora joan zen.
Zehazki, mojekin elkarrizketa bide bat irekitzeko asmoz joan ziren komentura Sor Carmen Ruiz Arantzazuko Klaratarren Andre Mariaren Federazioko idazkaria, Don Rodrigo Saiz aita santuaren komisarioaren ahalduna eta Don Carlos Azcona Elizaren Auzitegiko notarioa.
Beloradoko abadesa ohiarekin elkarrizketa bat eskatu zuten, baina horrek uko egin zion hitz egiteari. Are gehiago, notarioa salbu, beste guztiak ez zirela ongi etorriak adierazi zuen.
Gauzak horrela, notarioa barrura gonbidatu zuten, eta beharrezko errekerimenduak egin zituen bertan, zibilak zein kanonikoak, segizioko gainerako kideak kanpoan zeuden bitartean.
Une horretan, Guardia Zibilaren patruila bat bertaratu zen "prebentziorako eginbideak" egiteko eta erlijiosoekin hitz egiteko. Ondoren, Rodrigo Saizek bere borondatez utzi zuen monasterioa.
Gertaturikoak argi erakusten du, Burgosko Artzapepizkutzaren arabera, klaratar mojek ez dutela hitz egiteko "inolako borondaterik". Horren aurrean, Eliza katolikoaren ordezkaritzak "zubiak eraikitzeko" eta "konponbide bat lortzeko bideak jorratzeko" borondateari eusten diola erantsi du.
Albiste gehiago gizartea
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.