Alaba adingabeari sexu erasoak egiteagatik bikote bati ezarritako 12 urteko zigorra berretsi dute
Neskato adingabe bati sexu erasoak egiteagatik bikote bati ezarritako zigorra, 12 urtekoa, berretsi du gaur EAEko Auzitegi Nagusiko Arlo Zibil eta Penaleko Salak. Epaia Bizkaiko Auzitegiak eman zuen, eta horren kontra, helegitea aurkeztu zuten bi zigortutakoek.
Gertakari matxistak 2021eko otsailetik 2022ko maiatzera jazo ziren bikotearen etxean. Gizonak, emakumearen bikotekideak eta neskatoaren aitaordeak, "bere desio lizunak asetu nahian, eta bere nagusitasuna baliatuta" artean 10 eta 11 urte zituen neskatoari "hainbat alditan" egin zion eraso.
Bizkaiko Auzitegiak ebatzi zuenez, sexu erasoen egile izan zen gizona, eta emakumea, neskatoaren ama, berriz, delituon "ezinbesteko laguntzaile". Izan ere, epaiak jasotzen duenez, amak "ondo baino hobeto" zekien gizonak umea bortxatzen zuela, eta "salatu ordez, baimendu egiten zituen". Gainera, une jakin batean, neskatoak amarengana jo zuen laguntza eske, honek erantzun zionez, "etxeko kontuak etxean geratzen dira".
EAEko Auzitegi Nagusiaren arabera, kasu honetan bi pertsonen kontrako proba zuzena egon zen: biktimaren lekukotza. Neskatoaren kontakizuna "balekoa, sinesgarria eta logikoa" izan zen. Gainera, gogorarazi duenez, adituen txostenek sexu bidezko transmisioko gaixotasunen zantzuak topatu zituzten adingabearen gorputzean eta gizonaren gernuan.
Epaia ez da irmoa eta helegitea aurkez daiteke Auzitegi Gorenean.
Albiste gehiago gizartea
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.