Nafarroako Erdialdea, ekaitzek gehien astindutako eskualdea
Gaur arratsaldeko ekaitz bortitzak direla eta, hainbat gorabehera izan dira Nafarroako Foru Erkidegoko errepide sarean, eta gehien astindutako eskualdea Erdialdea izan da.
Guardia Zibileko herritarren segurtasunerako patruilak alerta egoeran daude ibaiek gainezka egin dezaketelako, batez ere Tafallan, Caparroson, Mirandan, Azkoienen eta Funesen.
Artaxoa eta Tafalla arteko errepidea itxi dute 16-18 kilometroen artean, eta, ondoren, berriro ireki dute.
Vianako Las Cañas merkataritza-gunerako sarbideetako bat itxita dago. Suhiltzaileek hiru pertsona erreskatatu dituzte aipatutako merkataritza-gunean ibilgailu batean harrapatuta zeudela. Horietako inork ez du arreta medikorik behar izan, suhiltzaileek sare sozialetan jakinarazi dutenez.
Vianako suhiltzaileek lurpeko garajeak eta igogailuetako hutsuneak aztertu dituzte, eta merkataritza-gune horretan urak hartu duen eremua libratzera joan dira.
Bestalde, Mutiloako Aranguren Ibarreko plazako hustubideak buxatu direnez, zirkulazioa beste bide batzuetatik bideratu behar izan da.
Foru Erkidegoko hainbat puntutan metro koadroko 30 litro baino gehiago pilatu dira, hala nola Getadarren eta Abodin. Getadar da eurite handiena jasan duen tokia, 41 litro, Estatuko Meteorologia Agentziak bildutako datuen arabera. Abodin 30 litro bota ditu, Lizarran 20, Bardean 13,3 eta Izaban 12,8.
Aemet Espainiako Meteorologia Agentziak ere antzeko eguraldia aurreikusi du Nafarroan, eta han ere, abisua ezarri ditu. Foru lurralde osoa dago abisupean (erdialdea, Pirinioak eta Kantauri isurialdea), eta Erriberan are mardulago botako duela aurreikusita (30 litro metatzea espero dira), alerta laranja ezarri du 14:00etatik hasita gauerdira arte. Halaber, beste alerta bat aktibatu du ekaitz arriskuagatik. Abisu horiak gaurko 14:00etatik asteazkenera arte (14:00) egongo dira indarrean.
Euskal Autonomia Erkidegoan (EAE), 18:00etatik aurrera aktibatu du Eusko Jaurlaritzako Segurtasun Sailak prezipitazio handiagatik ezarritako abisu horia, eta asteazkeneko 09:00ak arte mantenduko du. Euskalmeten arabera, ordubetean 15 litro pila daitezke metro koadroko.
Tarte horretan, zaparrada ertainak bota ditzake, zenbait lekutan handiak eta trumoitsuak izan daitezke, bereziki hegoaldean eta ekialdean. Zaparradekin batera, noizean behin txingorra (1-2 cm) egin dezake.
Arabako Moreda udalerriko estazio meteorologikoak 10 litro/m2 jaso ditu arratsaldean, 20 minutuan, eta 61 kilometro orduko haize-boladak izan dira. Ekaitzak Arabako hegoaldetik igaro dira eta haizea indartu egin da, Euskalmetek jakinarazi duenez.
Sondikan (Bizkaia), metro koadroko 27 litro baino gehiago bota ditu ordu erdian, eta Portugaleten, turista koadrila bat harrapatuta geratu da Zubi Esekian, eta erreskatatu egin behar izan dituzte.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.