7 eta 17 urte arteko espetxe-zigorrak eskatuko dituzte adingabeei txertoa ustez jarri ez zien erizainarentzat
Akusazioek aurkeztu dituzte Osakidetzako erizainarentzat egingo dituzten zigor eskaerak, Santurtzi udalerriko Kabiezes auzoko anbulatorioko 80 adingaberi covid-19aren aurkako txertoa ez jartzea egotzita. Aipatutakoaz gain, haurren txertoen egutegian aurreikusitako dosirik ez zien eman 404 umeri 2021eko otsaila eta 2022ko iraila bitartean, Ministerio Publikoaren arabera.
Hala, Fiskaltzak, Osakidetzak eta Erizainen Elkargoak 7 urte eta 6 hilabeteko espetxe-zigorra eskatuko dute osasun-langilearentzat; akusazio partikularrak, ostera, 17 urteko kartzela-zigorra eskatuko du, EITBk jakin duenez.
Maiatzean, auzitara jo zuten 50 bat familiek neurriak eskatu zizkioten Osakidetzari profesionala bere lanpostura itzul ez dadin; izan ere, osasun langileak sendagiria jaso zuen —bajan omen zegoen auzia lehertu zenetik, 2022ko urritik—, eta lanera bueltatzekoa zen.
Ohar batean, "suminduta eta kezkatuta" azaldu ziren erizaina lanera itzul zitekeelako, "osasun publikorako arriskua" baita, horien ustez. "Osakidetzari eskatzen diogu bere itzulera saihestea, are gehiago Bizkaiko Lurralde Auzitegiak defentsak aurkeztutako helegite guztiak baztertu dituenean", nabarmendu zuten.
Osasun-langileari dokumentuak faltsutzea eta funts publikoak bidegabe erabiltzea leporatzen diote.
Auzia 2022ko urrian eman zen ezagutzera. Hainbat gurasok orduan eman zioten Osakidetzari erizain honen jardunaren berri. Haien ustez, jarrera susmagarria zuen, "txertoen aurkako komentarioak" egiten zituelako eta "txertoa ematean, azkarregi, modu prezipitatuan" aritzen zelako. Osakidetzak ikerketa abiatu zuen, eta hainbat proba serologiko egin zizkien adin txikikoei. Horrela egiaztatu zuten gehienak ez zeudela behar bezala immunizatuta. Horren aurrean, espedientea zabaldu zion erizainari, baina ez zuen jakinarazi zein neurri hartu zituen horren harira.
Albiste gehiago gizartea
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.
Osakidetzak ordutegiak murriztu eta osasun-zentro batzuk itxiko ditu udan
Aldaketa horiek zentroen % 37ri eragingo diete. ELA eta CCOO sindikatuek udako plangintza kritikatu dute. Osakidetzaren egiturazko arazoek “bere horretan jarraitzen dutela” ziurtatu dute eta “benetako konponbideei heltzeko" negoziazio prozesua hastea eskatu dute.
Red Electricak zentralei egotzi die apirileko itzalaldiaren ardura: "Sorgailuek beren konpromisoak bete izan balituzte, ez zen itzalaldirik gertatuko"
Red Electricak, sistemaren operadoreak, erantzukizuna ez du bere gain hartu eta zentral sortzaileen aurka egin du, ez zituztelako bete kolapsoa saihesteko protokolo teknikoak. Gobernuak, bere aldetik, akats ugari egin zituela onartu egin du. Hala ere, operadorearen plangintza zalantzan jartzen du.
Euskadin ematen diren 10 gorroto-delitutik sei arrazistak edo xenofoboak dira
2024ko Gorroto Istiluen azken Txostenak egiaztatzen du kasuen kopuruak behera egin duela oro har, baina baieztatzen du arrazakeriak eta xenofobiak eragindako erasoak oraindik ere argi eta garbi nagusitzen direla gorrotoaren mapan Euskadin.
Andre Maria Zuriaren jaiek badute kartela
2025eko Andre Maria Zuriaren Jaiak Arabako hiriburuan ospatuko dira, abuztuaren 4tik 9ra.
Abisu horia ezarri dute Euskadin ostiralera arte, tenperaturak 35 gradura iritsiko baitira
Tenperaturak oso altuak izango dira, 27 eta 35 gradu artekoak, gunearen arabera.
Bilbo eta Arrigorriaga arteko RENFEren zerbitzua berrezarri dute, Alvia batek matxura izan ostean
Ezbeharra 07:20 aldera jazo da, Bilbotik ateratzen ari zen Alvia bat Ollarganen geldirik geratu denean, eta ezin izan du zirkulatzen jarraitu.