Aurrekariak dituen gizon batek emakume bat hil du Pontevedran, autoa itsasora botata
Moaña (Pontevedra) udalerriko Domaio pasealekuan, auto baten gidariak "nabarmen azeleratu" du, ibilgailua itsasora erori baino lehen, lekuko batzuek adierazi dutenez. Espainiako Gobernuak Pontevedran duen ordezkariorde Abel Losadaren esanetan, 05:00ak aldera jazo den gertakari honetan "zantzu kezkagarriak daude", gidariak genero-indarkeriagatik aurrekariak baititu. Hala ere, Guardia Zibilak ikerketa amaitu arte, zuhurtziaz jokatzeko eskatu du.
Hedabideei egindako adierazpenetan Abel Losadak azpimarratu duenez, ikertzaileek ez dute baztertzen Fadwa A. 41 urteko Pontevedrako emakumearen heriotzaren inguruko hipotesirik. Hondoratutako autoa berreskuratzeko lanak egiten ari zirenean atera dute gorpua uretatik. Emakumeak gutxienez kolpe bat zuen ahotik gertu.
47 urteko gidaria ibilgailuaren sabaira igo ondoren erreskatatu dute, eta anbulantzia medikalizatu batean eraman dute Vigoko Povisa ospitalera. Hipotermia eta konorte-galera zantzuak zituen. Ordu batzuk geroago, atxilotu egin dute, homizidioa leporatuta.
"Oso zuhurra izan behar da, ikerketa martxan dagoelako, baina kontua da emakume batek bizia galdu duela gizon batek gidatutako auto bat uretara erorita. Lekukoen arabera, ibilgailuak nabarmen azeleratu du, eta oinezkoen gune batean sartu da uretara erori aurretik", azaldu du Losadak.
Gizona VioGen sisteman zegoen
Espainiako Gobernuaren ordezkariordeak doluminak eman dizkie emakumearen senide eta gertukoei, "eta, oro har, emakume guztiei, emakume bat hiltzen duten bakoitzean gizarte gisa denoi ematen baitigu min". Autoaren gidariak aurrekariak dituela eta VioGen sisteman agertzen dela baieztatu du Losadak.
Gizona genero-indarkeriagatik espetxean egon zen, Pontevedrako Lurralde Auzitegiak 2012an zigortu baitzuen, eta 2020ra arte biktimarenganik urruntzeko agindua izan zuen indarrean.
Losadaren esanetan, gaur hildako emakumea ez zegoen VioGen sisteman, eta, beraz, "ez zegoen inolako babes-neurririk haren inguruan".
Zure interesekoa izan daiteke
21 urteko gizonezko bat atxilotu dute Gasteizen bikotekideari eraso egitea eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Liztor asiatikoa, espezie inbaditzaile eta kezkagarria
Bi aste eskasetan hiru pertsona hil dira Galizan liztor asiatikoaren ziztadez. Horrek espezie inbaditzaile honekiko kezka areagotu egin du Euskal Herrian ere. Zer egin beharko genuke liztor asiatikoaren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu honen aurrean.
Taldean egindako eraso faxista eta LGTBIfobiko bat salatu dute Gorraitzeko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak Eguesibko Udalaren isiltasuna kritikatu du, irailean gertatutako erasoaren aurrean.
Motor-gidari bat hil da Lemoizen gertatutako trafiko-istripu batean
Istripua gertatu den BI-3152 errepidea itxita dago, eta Ertzaintzak izapideak ireki ditu arrazoiak argitzeko.
Sarrigurenen atxilotutako gizona espetxeratu dute, adingabe bati sexu-erasoa egiteagatik
Fiskaltzak behin-behineko espetxeratzea eskatu du, komunikatua eta fidantzarik gabea, 16 urteko adingabe bati penetrazioarekin egindako sexu-eraso (bortxaketa) delitu batengatik.
Hizkuntza Ofizialen Kontseilu berria eratu da, "forma eta funtsa" aldatuta
Osaera berria izango du, eta berritasun nagusienetako da kontseilura batuko direla autonomia erkidegoetako hizkuntza politiketako ordezkariak.
Lagun bat ospitaleratu dute Gasteizen, patinetea lehertu eta kea arnasteagatik
Ibilgailuak lokal baten barruan egin zuen eztanda, eta jabeek bateria bertatik atera eta su-itzalgailu batekin busti zuten, suhiltzaileak iritsi aurretik.
Gizon bat atxilotu dute bikotekide ohia hiltzea leporatuta, Huelvan
47 urteko emakumezko biktimaren lankideek horren gorpua aurkitu zuten, indarkeria zantzuekin, lan egiten zuen eta bizi zen nekazaritza-lursailean bertan. Emakumearen alabak joan den astean Guardia Zibilari jakinarazi zionez, atxilotuak ama mehatxatu egin zuen, beste pertsona batekin ezkonduko zela iragarri ondoren.
Gabonetako trena, gaueko lasterketa eta mahai-futbol txapelketa: Bilboko metroak 30 urte bete ditu, eta ospatzen dabil
Bilboko metroak hiru hamarkada beteko ditu aurten, eta kontzertuak, zozketak eta dekorazio bereziak egingo ditu, baita Gabonetako trena, futbolin-txapelketa eta Underrun gaueko lasterketa ere.